- Elbasy saparynda qol jetkizilgen kelisimder qaǵaz júzinde qalmaýy tiis. Bul týraly búgin Úkimettiń selektorlyq rejimdegi otyrysynda elimizdiń Premer-Ministri Baqytjan Saǵyntaev aitty, dep habarlaidy Ult.kz tilshisi QazAqparat agenttigine silteme jasap.
«Memleket basshysynyń sheteldik saparlary barysynda biznes-forýmdar, ótip, kóptegen kelisimder, memorandýmdarǵa qol qoiamyz. Al odan keiin monitoringtiń qalai júrgiziletindigin de bilmeimin. Iaǵni, olar qaǵaz kúiinde qalyp qoimai, sońyna deiin jetkizýimiz kerek qoi. Sondyqtan bul jumystarǵa eki ministrlik tarapynan tekserý júrgizilý qajet. Olar: Investitsiialar jáne damý ministrligi men Syrtqy ister ministrligi. Jyl sońyna deiin bul jumystardy aiaqtaý qajet», - dedi Saǵyntaev.
Osy rette Úkimet basshysy jyl sońynda jeke jiyn ótkizip, biznes-forýmdar barysynda rásimdeletin kelisimderdiń qanshalyqty tiimdi ekendigi saralanatyndyǵyn basa aitty.
Óz kezeginde Syrtqy ister ministrligi Erlan Ydyrysov úkimetaralyq komissiialar men iskerlik keńesterine qatysty másele kóterdi.
«Bizde 115 úkimetaralyq komissiia men 24 iskerlik keńes bar. Árine, barlyǵy da jumys istep jatyr. Biraq, ókinishke orai jumys kezdesýden kezdesýge deiin ǵana júrgizilýde. Biz sizge hat jazdyq. Siz arnaiy tapsyrma berdińiz. Qazirgi ýaqytta biz úkimetaralyq komissiia jumysyn baǵalaý kriteriileri boiynsha usynys engizdik», - dedi ministr.
«Sizben tolyqtai kelisemin. Kei jaǵdaida bizdiń úkimetaralyq komissiiany qurmetti ministrler basqarady. Úkimetaralyq komissiia basshysynyń ózi jumystyń mánin bile bermeidi. Óitkeni, oǵan jaýap beretin jumys organy jáne basqa da organdar bar. Meniki jalpy úilestirý, Ekonomika ministrligi mynaǵan, Investitsiialar jáne damý ministrligi anaǵan jaýap beredi, deidi. Iaǵni, mundai bolmaýy tiis. Osy elge, osy úkimetaralyq komissiiaǵa jaýap beretin bolsa, onda barlyq baǵyttarda suraý atalǵan komissiiaǵa jaýapty ministrden bolýy qajet», - dedi Saǵyntaev.
