Atyraý oblysynda shaǵyn jáne orta biznesti damytýǵa bólingen qarajat igerilmei jatyr. Nurlan Noǵaev Úkimet basshysyn jyldyń sońyna deiin aqshany jaratyp úlgeremiz dep sendirdi. Baqytjan Saǵyntaev jyldyń sońynda mindetti túrde suraý bolatynyn eskertti, ep habarlaidy "Ult aqparat" Baq.kz portalyna silteme jasap.
«Atyraý oblysynda shaǵyn jáne orta biznestiń damýy tómen. Bul túsinikti de, munaily óńir bolǵandyqtan, kóbisi osy salada jumys isteidi. Degenmen, ony damytý úshin qarjy bólip otyrmyz. Sizdiń oblysqa 692 mln qarjy bólingen. Osy ýaqytqa deiin ony alǵan joqsyzdar. Sizderde niet joq pa, álde bizneste qajettilik joq pa? Berilgen aqsha igerilmeidi, tipti alynbaidy, áli kúnge deiin bizde jatyr», - dedi B.Saǵyntaev.
Al Nurlan Noǵaev 692 mln teńgege kelisimder jasalǵanyn, jyldyń sońyna deiin qarajat tolyq igeriletinin aitty.
«Meniń oiymsha, bul jai ǵana sóz. Óitkeni qazan aiy bastalyp ketti. Qarajatty aýdaryp alǵansha, sosyn konkýrs ótkizip, kásipkerlerge bergenshe jyl bitedi. Iaǵni biyl shaǵyn jáne orta biznes bul aqshany paidalana almai qaldy degen sóz», - dedi Úkimet basshysy.
Dei turǵanmen, Atyraý oblysynyń ákimi «úlgeremiz» dep sendirdi.
«Jaqsy, jyl sońynda qandai sharýa tyndyrǵandaryńyzdy suraimyz», - dedi Premer-ministr.
Aita keteiik, ótken aptada da Nurlan Noǵaev Úkimet basshysynan syn estigen bolatyn. Oblysta áleýmettik nysandar qurylysy ýaqytynda aiaqtalmai jatyr.
