Shyǵys Qazaqstan oblysynyń Januzaq aýylynda "Aq jol" Parlamenttik fraktsiiasynyń kúshimen salynǵan fýtbol alańynyń saltanatty ashylý rásimi ótti, dep habarlaidy "Ult aqparat" baspasóz bólimine silteme jasap.
2016 jylǵy 4 qyrkúiekte ShQO Ulan aýdanynyń Januzaq aýylynda "Aq jol" QDP Parlamenttik fraktsiiasynyń kúshimen salynǵan fýtbol alańynyń saltanatty ashylý rásimi ótti.
Osynyń aldynda QDP tóraǵasy Azat Perýashevtiń atyna aýyl turǵyndary aýylda sport alańyn salýǵa járdemdesý ótinishimen hat jazǵan bolatyn. "Aq jol" depýtattary aýyl turǵyndarynyń bastamasyn qoldady - jaqynda fýtbol alańy men sporttyq snariadtardy bar alańnyń qurylysy aiaqtaldy.
Sport alańdaryna arnalǵan tehnikalyq normalardy eskerildi. Alań "Aq jol" partiiasynyń depýtattarynyń qarajattaryna salyndy. Alańnyń kólemi 50h25 metr. Jasandy gazonmen jabylǵan.
Bul kúni sport alańynyń saltanatty ashylýyna orailastyrylǵan aýyl komandalary arasynda fýtboldan jarys ta bolyp ótti.
"Bizdiń sportshylar Olimpiadalarda, túrli halyqaralyq jarystarda jaqsy nátijeler kórsetýde. Bul jastar úshin úlgi, el mártebesi. Biraq olimpiadalyq chempion biren-saran, al, árbir qazaqstandyqty salaýatty ómir saltyn júrgizýge, sportqa tartý qajet,- deidi alańnyń qurylysyn jeke basqarǵan depýtat Berik Dúisembinov. – Ókinishke orai, búginde buqaralyq sport árbir qarapaiym otbasyna qol jetimdi dep biz aita almaimyz. Jáne bul bizdiń aýyldyq balalar-jasóspirimder sportyna qosqan úlesimiz".
Is-sharaǵa Májilis depýtattary Azat Perýashev, Berik Dúisembinov,Keńes Absatirov jáne osy salaǵa jaýapty aýdan basshylary, qoǵam qairatkerleri qatysty.
