Radikaldar Máskeýde jáne Qazaqstanda Parijdegidei terakt uiymdastyrmaq bolǵan, - dep habarlaidy kaz.tengrinews.kz tilshisi QR UQK ókilderine silteme jasap. Bul týraly Astanada ótken brifingte UQK antiterroristik ortalyq shtabynyń ókili Sáken Myńbaev habarlady.
"Taǵy bir lańkestik top sheteldik lańkesterdiń tapsyrmasy boiynsha Máskeýde jáne Qazaqstan territoriiasynda Parijde 2015 jyldyń qarashasynda bolǵan oqiǵalardyń úlgisi boiynsha terakt jasaǵysy kelgen. Aqpan aiynda elordamyzda osy toptyń bes adamy ustalyp, lańkestik áreketterge qatysqany úshin sottalǵan bolatyn. Olardyń ishinde Qazaqstannyń, Reseidiń jáne Tájikstannyń azamattary bolǵan", - dep málimdedi spiker.
"Ortalyq Aziia elderiniń tórt azamatynan turatyn taǵy bir topty Máskeýde reseilik áriptester ustady. Qylmyskerler Máskeýde Jeńis kúni terakt jasaýdy josparlaǵan", - dedi ol.
Sonymen qatar, onyń aitýynsha, radikaldar toby Almaty oblysynda Shekara qyzmetiniń, Qorǵanys ministrliginiń áskeri bólimderine, kúsh qurylymdarynyń joǵary laýazymdy qyzmetkerlerine jáne Qazaqstan Musylmandary dini basqarmasynyń ókilderine qarýly shabýyl jasaýdy josparlaǵan. Qazaqstanda ustalǵandar ushaqty alyp ketpek bolǵan.
