Ózbekstandyq kelinshek kúnine 1200 dana kirpish quiyp, otbasyn asyrap otyr, dep habarlaidy ult.kz.
Ózbekstannyń Ferǵana oblysynda turatyn Gúlbahor Ortiqova kópshilikke óziniń eńbekqorlyǵymen tanylyp otyr. Jastaiynan kirpish quiý isimen ainalysatyn kelinshek búginde kúnine shamamen 1200 dana kirpish daiyndap, sol eńbegi arqyly otbasyn asyrap keledi.
Gúlbahordyń aitýynsha, kirpish quiý – ońai jumys emes. Ol tańerteń erte jumysqa kirisip, sazdy ilep, arnaiy qalyptarǵa quiyp, keptirý jumystaryn atqarady. Aýyr dene eńbegine qaramastan, bul kásipten bas tartpaǵan.
Kelinshek tapqan tabysymen otbasynyń kúndelikti qajettilikterin ótep, balalarynyń bolashaǵy úshin eńbek etip júrgenin aitady. Onyń eńbekqorlyǵy men tabandylyǵy áleýmettik jeli qoldanýshylarynyń da nazaryn aýdarǵan.
Jelide taraǵan beinejazbada kópshilik Gúlbahorǵa tánti bolyp, adal eńbektiń qadirin kórsetkeni úshin alǵys bildirgen. Pikir qaldyrýshylar onyń qajyrly eńbegin úlgi etip, denine saýlyq pen jumysyna bereke tiledi.
Qarapaiym eńbekpen nápaqasyn taýyp júrgen ózbekstandyq kelinshektiń oqiǵasy áleýmettik jelilerde keńinen tarap, myńdaǵan adamnyń yqylasyna ie boldy.
