Qazaqstanda jyl deiin daiyn bolýy tiis standarttyń 120-sy ázir. Bul týraly búgin Salalyq kásiptik standarttardy ázirleý máseleleri boiynsha biliktilik jónindegi ulttyq keńes otyrysynda QR Premer-Ministriniń orynbasary Berdibek Saparbaev aitty, dep habarlaidy QazAqparat.
«Úkimet basshysynyń tapsyrmasyna sáikes, ekonomikamyzdyń árbir salasyna qatysty jumys toptary qurylǵan bolatyn. Osyǵan deiin ózderińizben 1-2 kezdesý ótkizdik. Búgingi bizdiń maqsatymyz - sol tapsyrmalardyń qandai deńgeide oryndalyp jatqanyn saralaý. Onyń ústine qazirgi tańdaǵy úlken máselelerdiń biri - mamandarymyzdyń sapasyn, biliktiligin arttyrý, qazirgi ekonmikanyń suranysyna qarai kásibi deńgeii joǵary mamandar daiyndaý», - dedi ol.
Osy rette vitse-premer biylǵy jyldyń sońyna deiin 480 kásiptik standart ázirlenýi tiistigin eske saldy.
«Qazirgi tańda onyń 120-ǵa jýyǵy daiyndaldy. Aldaǵy 4 aidyń ishinde qalǵanyn daiyndap bitýimiz kerek. Osy berilgen tapsyrmalardy oryndaý úshin árbir ministrlik basshysynyń orynbasarlary óziniń salasyndaǵy kásiptik standartty daiyndaýǵa jaýap beredi», - dedi Berdibek Saparbaev.
