Foto ashyq derekkózden alyndy
Premer-Ministr Álihan Smaiylov Májilis depýtattarynyń 12 jeltoqsandy «Alash kúni» dep resmi belgileý týraly saýalyna jaýap berdi, dep habarlaidy QazAqparat.
«Táýelsizdik kúniniń qarsańyndaǵy 12 jeltoqsandy – «Alash kúni» dep resmi belgileýge qatysty depýtattyq saýalǵa kelesini habarlaimyn.
Qazirgi tańda Qazaqstan Respýblikasy Prezidentiniń Jarlyǵymen Saiasi qýǵyn-súrgin qurbandaryn tolyq aqtaý boiynsha qurylǵan memlekettik komissiia jumys istep jatyr. Memlekettik komissiia óz quzyretine sáikes 1920-1950 jyldardaǵy saiasi qýǵyn-súrgin qurbandaryn tolyq, zańdy jáne saiasi turǵydan aqtaý máselelerimen ainalysýda.
Jyl saiyn «Aq jol» partiiasynyń bastamasymen uiymdastyrylatyn «Alashqa taǵzym» sherýi men jyldaǵy dástúr boiynsha 31 mamyr – Saiasi qýǵyn súrgin jáne asharshylyq qurbandaryn eske alý kúnine orai joǵary deńgeide is-sharalar uiymdastyrylýda.
Aldaǵy ýaqytta, kóterilgen másele Saiasi qýǵyn-súrgin qurbandaryn tolyq aqtaý jónindegi memlekettik komissiianyń qaraýyna usynylatyn bolady», - deidi Álihan Smaiylov óz jaýabynda.
