Foto: instagram.com/rupr.pvlshakeneva
Kúni keshe biz Pavlodar oblysynda týysynan zorlyq kórip, bosanǵan qyzdyń otbasy qandai jaǵdaida ómir súrgenin jazǵan bolatynbyz. Pavlodar oblysy boiynsha bala quqyqtary jónindegi aimaqtyq ýákil Sáýle Shákenova jariialaǵan fotosýretterden qandastardyń úii óte eski, jupyny ekenin baiqadyq.
Azattyq Rýhy tilshisi Pavlodar oblysy ákimdiginiń baspasóz qyzmetine suraý sala otyryp, áli de qandas mártebesine ie bul otbasyna jergilikti atqarýshy organ tarapynan kezinde qandai materialdyq kómek berilgenin suradyq.
Anyqtaǵynymyzdai, 12 jasta ana atanǵan qyzdyń otbasy Mońǵoliiadan eń aldymen Soltústik Qazaqstan oblysyna kelgen eken.
«Qazaqstan Respýblikasynyń aýmaǵyna qonys aýdaryp kelgennen keiin, birinshi Soltústik Qazaqstan oblysyna barǵan, keiin Pavlodar oblysy kóship kelgen. Pavlodar oblysynyń qandastardy qabyldaýdyń óńirlik kvotasyna 2020 jyly, otbasy múshesinde 7 adam bolyp qosylǵan. Kvota sheńberinde qonys aýdarý shyǵyndaryn óteý boiynsha 1 225 140 teńge , sonymen qatar turǵyn úi satyp alý úshin 735 084 teńge kóleminde qarajat tólendi», - dep habarlady oblys ákimdiginiń baspasóz qyzmeti.
