Qazgidromet elimizdiń 12 óńirde aýa raiyna qatysty eskertý jariialady, dep habarlaidy "Ult aqparat" TJK baspasóz qyzmetine silteme jasap.
Túrkistan, Almaty oblystarynyń taýly aýdandarynda jáne Almaty qalasyna irgeles aýmaqtarda taý bókterlerinde jaýynǵa bailanysty aǵys kúsheiip, ózenderdegi sýdyń deńgeii kóterilýi yqtimal.
19 mamyrda Nur-Sultan qalasynda naizaǵai oinap, ońtústik, ońtústik-batys jyldamdyǵy sekýndyna 15-20 metr jel soǵady.
19 mamyrda Almaty qalasynda naizaǵai oinap, jeldiń ekpini sekýndyna 13 metrge jetedi.
19 mamyrda Shymkent qalasynda naizaǵai oinaidy, daýyl soǵady.
19 mamyrda Aqmola oblysynyń kei jerlerinde naizaǵai oinap, daýyl soǵady, burshaq jaýýy múmkin. Jeldiń ekpini sekýndyna 15-20 metrge jetedi.
Almaty oblysynda qatty nóser, burshaq jaýady, naizaǵai oinap, shańdy daýyl turady, jeldiń ekpini sekýndyna 17-22 metrge jetedi.
Atyraý oblysynda naizaǵai, daýyl, burshaq, jeldiń ekpini sekýndyna 15-20 metr.
19 mamyrda Batys Qazaqstan oblysynda naizaǵai oinap, daýyl soǵady, burshaq jaýýy múmkin, jel ońtústik-batystan soltústik-batysqa qarai aýysyp, kei jerlerde sekýndyna 15-20 metr jyldamdyqpen soǵady.
Qostanai oblysynda qatty nóser, naizaǵai, tuman, jeldiń ekpini sekýndyna 15-20 metrge jetedi.
Qyzylorda oblysynda naizaǵai oinap, daýyl soǵady, burshaq jaýady, jeldiń ekpini kei jerlerde sekýndyna 15-20 metrge jetedi.
Mańǵystaý oblysynda kei jerlerde naizaǵai oinap, jel ońtústik-batystan soltústik-batysqa qarai sekýndyna 15-20 metrge jetedi.
Soltústik Qazaqstan oblysynda jańbyr-burshaq jaýady, kei jerlerde naizaǵai oinap, daýyl soǵady, tuman túsýi múmkin, jeldiń ekpini sekýndyna 15-20 metrge jetedi, kúndiz sekýndyna 25 metr.
19 mamyrda Túrkistan oblysynda kei jerlerde nóser-burshaq jaýady, naizaǵai oinaidy. Jeldiń ekpini kei jerlerde sekýndyna 15-20 metrge jetedi.
Tótenshe jaǵdailar komiteti turǵyndarǵa aýa raiynyń kúrt qubylýyn nazardan shyǵarmaýdy suraidy. Daýyldy eskertý týraly habarlamaǵa qulaq asyp, qajetti saqtyq jasaý kerek. Jeldiń jyldamdyǵy sekýndyna 15-20 jáne tipti sekýndyna 30 metrge deiińn kúsheiedi. Eldi mekenderde qaýipsizdik tehnikasynyń basty erejesin ustaný kerek. Shaǵyn qalalar men megapolisterde daýyl kezinde zardap shegý yqtimaldyǵy joǵary bolady.
Qatty daýyl soqqanda úidegi barlyq tereze tyǵyz jabylýy tiis. Tolyq jabylmaǵan balkon men lodjiiadan qatty jel kezinde syrtqa úshyp ketýi múmkin barlyq zatty (qumyra, jáshik, shólmek jáne t.b.) alyp tastaý kerek. Turǵyn úi buryshyndaǵy balkondarda daýyl kezindegi ramasymen birge eski terezesi ushyp ketken jaǵdai kezdesedi. Kóshede daýyl turǵan kezde jarnama qalqandary (jáne basqa da aspaly qurylymdar), avtobýs aialdamasy, elektr baǵanasy men jelisi, sondai-aq aǵashtardan barynsha alys turyńyz. Ainalańyzǵa saq bolyńyz, ústige qulap ketýi múmkin zattardan alshaq bolýyńyz. Úzilgen symdar men qulaityn zattarǵa (aǵashtarǵa) jaqyndaýǵa bolmaidy.
«Qatty jel soqsa ol tyiylǵansha jaqyn mańdaǵy ǵimaratta nemese tabiǵi yqtasynǵa jasyryný qajet. Úlken aǵashtyń, ásirese terektiń astyna kólik qoiýǵa bolmaidy, óitkeni aǵash nemese onyń iri butaǵy qulap basyp qalýy múmkin. Shirigen jáne kári, sondai-aq jalǵyz turǵan aǵashtar da óte qaýipti. Úiden shyqpańyzdar, jaqyndaryńyzdy qorǵańyzdar», delingen eskertýde.
