2021 jyly 1,2 mln adam jumyspen qamtýǵa járdemdesý sharalarymen qamtylady. Bul týraly QR Eńbek jáne halyqty áleýmettik qorǵaý ministri Serik Shápkenov halyqqa esep berý kezdesýinde aityp berdi, dep habarlaidy QazAqparat.
Ministrdiń aitýynsha, pandemiiadan týyndaǵan qiyndyqtarǵa jáne ótken jyly qabyldanǵan qajetti shekteý sharalaryna qaramastan, eńbek naryǵynyń negizgi indikatorlary jaǵdaidyń turaqtylyǵyn kórsetken. Buǵan halyqty jumyspen qamtýǵa baǵyttalǵan jedel sharalar yqpal etti.
«Birinshiden, «Eńbek» memlekettik baǵdarlamasy aiasynda 2020 jyly 650 myńǵa jýyq adam qamtyldy, olardyń 319 myńy turaqty jumys oryndaryna ornalastyryldy. 70 myńnan astam adam qysqa merzimdi kýrstarda oqydy jáne 33 myń adam «Bastaý Biznes» jobasy boiynsha kásipkerlik negizderine oqytyldy», – dedi Serik Shápkenov.
Kásipkerlik bastamalardy qoldaý úshin 13 myńǵa jýyq jeńildikti mkrokredit jáne jańa biznes-ideialardy iske asyrýǵa 45 myń qaitarymsyz memlekettik grant berilgen. Mikrokredit alýshylar 13,7 myń qosymsha jumys ornyn ashqan.
«Sondai-aq, ótken jyly «Jumyspen qamtýdyń jol kartasy» daǵdarysqa qarsy baǵdarlamasy aiasynda 239 myń adam jumysqa ornalasty, olardyń kópshiligi – halyqty jumyspen qamtý ortalyqtarynda tirkelgen jumys izdeýshiler men jumyssyzdar. Jol kartasy arqyly 6,7 myń áleýmettik mańyzy bar nysan iske qosyldy. Biyl jol kartasyn iske asyrýǵa 300 mlrd teńge qarastyrylǵan. Bólingen qarajattyń 42,5%-y halyqtyń ómir súrý sapasyn arttyrýǵa baǵyttalady. Shamamen 33,3%-y – agroónerkásiptik keshendi damytýǵa jáne 24,2%-y óńirlerde biznesti damytýǵa jáne «Atameken» UKP men jergilikti atqarýshy organdardyń qatysýymen mikrokredit berýge paidalanylady. Shamamen 41 myń jumys orny ashylady, onyń 61 paiyzy turaqty jumys bolady», - deidi S. Shápkenov.
Eńbek ministriniń aitýynsha, jalpy 2021 jyly jumyspen qamtýǵa járdemdesý sharalarymen 1,2 mln adam qamtylady, onyń ishinde:
- «Eńbek» memlekettik baǵdarlamasy arqyly - 700 myńnan astam adam;
- Jumyspen qamtýdyń jol kartasy aiasynda – 41 myń jumys orny qurylady, onyń ishinde 28 myńy turaqty jumys orny bolady;
- basqa memlekettik baǵdarlamalar aiasynda 440 myń jańa jumys ornyn qurý josparlanýda.
