Foto:Sputnik / Bolat Shaihinov
Eks-Mádeniet ministri Arystanbek Muhamediulyna tiesili sý jáne qoldanbaly sport túrleri boiynsha Respýblikalyq joǵary sport sheberligi mektebi memleket menshigine qaitaryldy, -dep habarlaidy "Ult Aqparat".
Bul múliktiń quny 1,2 milliard teńgeni quraidy. Ony satyp alǵan kezde baǵasy 551 million teńgege tómendegen bolatyn.
Almaty qalasynyń Mamandandyrylǵan aýdanaralyq ekonomikalyq sotynyń 2024 jylǵy 17 shildede sý jáne qoldanbaly sport túrleri boiynsha Respýblikalyq joǵary sport sheberligi mektebin satý jónindegi mámileni jaramsyz dep taný týraly sheshimi zańdy kúshine endi. Sotta nysannyń naryqtyq qunynyń 551 million teńgege tómendetilgeni jáne zań buzylǵany rastaldy.
Mekteptiń ákimshilik ǵimarattary, sport zaldary jáne basqa da qurylystary 7,6 myń sharshy metrdi, al jeri 4,9 gektardy quraidy. Bul múlik Arystanbek Muhamediulymen affiliirlengen «Nomad's Land» JShS-ne tiesili bolǵan.
