"Schastlivaia jizn" lagerindegi uzartylǵan kún tobynda oqyp júrgen 8 jastaǵy Arsenii 11 shilde kúni erekshe kútimdi qajet etetin balalarǵa arnalǵan átkenshekten qulap qaitys boldy, dep habarlaidy "Ult aqparat" Stan.kz aqparat agenttigine silteme jasap.
Arseniidiń ákesi qaiǵyly jaǵdaidyń qalai bolǵanyn áleýmettik jelidegi paraqshasynda aityp berdi.
"Arsenii 11 shilde kúni "Schastlivaia jizn" lagerinde tárbieshiniń qaraýynsyz erekshe kútimdi qajet etetin balalarǵa arnalǵan átkenshekke otyrǵan. Ol átkenshekten qulap, aýyr jaraqattar aldy. Saldarynan 12 kún komada jatyp, júregi toqtap qaldy. Balam qaraýsyz qalǵan. Átkenshek te qirap tur, balalarǵa oinaýǵa bolmaidy. Lagerdi tańdaǵanda muqiiat bolyńyz, letsenziiasyn qarańyz, qalai jumys isteitinin.
Balalaryńyzǵa abai bolyńyz, qaraýsyz qaldyrmańyz. Bul istiń qaraýsyz qalǵanyn qalamaimyn. Óitkeni meniń ulymnyń ornynda basqa bala bolýy múmkin. Buǵan deiin bir qyz qolyn syndyrǵan edi", – deidi qaitys bolǵan balanyń ákesi.
Onyń aitýynsha, atalmysh ortalyq áleýmettik jelige jarnama berip, balalardy qabyldap jatqan kórinedi.
"Bul átkenshekten birneshe bala qulap, zardap shekkenin bilemiz. Átkenshek erekshe kútimdi qajet etetin balalarǵa arnalǵan, ol óte aýyr jáne onyń jan-jaǵy qorshalmaǵan. Bolǵan jaǵdaidan keiin “Schastlivaia jizn” ortalyǵy áli jumys istep tur. Olar jelige balalardy qabyldaityny týraly jarnama bergen eken. Erteń ata-analar prokýratýraǵa baryp shaǵym túsirmek. Óitkeni bolǵan jaǵdaiǵa qatysty is qozǵalǵan joq. Qoǵam bolǵan oqiǵanyń mán-jaiy men tárbieshilerdiń jaýapsyzdyǵy týraly bilsin, osy ortalyqtyń jáne basqa da jekemenshik ortalyqtardyń letsenziiasyn teksersin. Kóptegen ata-ana bul átkenshekti alyp tastaýǵa kelisedi dep oilaimyn", – deidi olar.
