Foto: Qarjylyq monitoring agenttigi
Almatyda aqshany zańsyz qolma-qol aqshaǵa ainaldyrýǵa qatysy bar UQT músheleri sottaldy, dep habarlaidy "Ult aqparat" Qarjylyq monitoring agenttigine silteme jasap.
Almatydaǵy UQT músheleri banktik shottardaǵy qarajatty qolma-qol aqshaǵa ainaldyryp jáne oidan shyǵarylǵan mámileler boiynsha shot-faktýralardy jazýmen ainalysqan.
Atalǵan faktini QMA aýmaqtyq departamenti tergegen.
"A. Abdýllaev bastaǵan UQT-nyń 5 múshesi 2018 jyldan 2022 jylǵa deiingi kezeńde júieli túrde baqylaýyndaǵy 15 kompaniia men 170-ten astam jeke kásipkerdiń banktik shottary arqyly 11,7 mlrd teńgeni qolma-qol aqshaǵa ainaldyrǵany anyqtaldy.
Sot úkimimen UQT uiymdastyrýshysy jáne qatysýshylardyń biri kináli dep tanylyp, olarǵa jalpy rejimdegi koloniiada 6 jáne 7,5 jyl merzimge bas bostandyǵynan aiyrý jazasy taǵaiyndaldy.
Sonymen qatar sotqa deiingi tergeý aiasynda osy qylmysqa qatysy bar UQT-nyń taǵy úsh múshesi halyqaralyq izdestirýge jariialandy" - delingen habarlamada.
Vedomstvo málimetinshe, jalǵan mámileler jasasý, qarajatty zańsyz qolma-qol aqshaǵa ainaldyrý el biýdjetine milliardtaǵan salyqtardyń túspeýine ákelip soǵady. Ekonomikalyq qylmystyń bul túri memlekettik áleýmettik jobalardy júzege asyrýǵa, zeinetaqy men járdemaqylardy tóleýge, jańa jol, aýrýhana, mektep salýǵa kedergi keltiredi.
