Qazaqstanda 2024 jyldyń basynan beri dini-ekstremistik ideialardy jamylǵan 22 qylmystyq toptyń joly kesilip, 64 adam ustaldy, dep habarlaidy ult.kz.
IIM málimetinshe, politsiia olardyń bopsalaý, tonaý, alaiaqtyq, brakonerlik jáne esirtki saýdasymen ainalysqanyn anyqtady. Sonymen qatar atys qarýyn zańsyz saqtaǵan.
Jalpy radikaldy dini ideologiiany ustanýshylarǵa qatysty 155 paidakúnemdik-zorlyq qylmysy ashylǵan.
Operatsiialar barysynda 114 atys qarýy, úsh sýyq qarý, jeti granata, 1600-den astam oq-dári jáne 32 keliden astam esirtki tárkilendi.
Máselen, Almatyda radikaldy dini ideialardy ustanǵan tórt adam turǵynnyń 7,5 mln teńgesin tartyp alǵan. Sot olardy 5-6 jylǵa bas bostandyǵynan aiyrdy.
IIM internette radikaldy ideologiia men terrorizmdi nasihattaýǵa qarsy jumystar da júrgizilip jatqanyn atap ótti. Aqtóbe men Túrkistan oblystarynda osyndai materialdardy taratqan adamdar birneshe jylǵa sottalǵan.
Vedomstvo dini senimniń qylmysty, zorlyq-zombylyqty jáne alaýyzdyqty aqtaýǵa negiz bola almaitynyn eskertti.
