Qarjylyq monitoringi agenttigi memleketaralyq izdeý jariialanǵan Ánýarbek Jeksenǵalievti ustady, dep habarlaidy Ulysmedia.kz.
Almaty qalalyq ekonomikalyq tergeý departamentiniń qyzmetkerleri 1,1 mlrd teńge biýdjet qarajatyn jymqyrdy degen kúdikke ilingen Ánýarbek Bolatuly Jeksenǵalievti ustaǵan.
«Qarjylyq monitoring agenttigi kásipker Jeksenǵaliev Ánýarbek Bolatuly jáne Medetbekov Erkin Qalqabaiulyna izdeý jariialady. Olar 1,1 mlrd teńge somasynda biýdjet qarajatyn jymqyrdy degen kúdikke ilindi. Kúdiktiler biýdjet qarajatyn jymqyrýdy aldyn ala sóz bailasý arqyly top bolyp uiymdastyrǵan», - delingen habarlamada.
25 sáýirde olarǵa memleketaralyq izdeý jariialanyp, agenttik izdeý salynǵan azamattarǵa qatysty aqparat úshin aqshalai syiaqy taǵaiyndaǵan bolatyn.
