Qyzylorda qalasynda «WornerBros» qarjy piramidasynyń qurylymdyq bólimshesin basqarǵan azamat 5 jylǵa bas bostandyǵynan aiyryldy. Bul týraly Qarjylyq monitoring agenttiginiń Qyzylorda oblysy boiynsha departamenti habarlady, dep habarlaidy ult.kz.
Tergeý málimetinshe, uiymdastyrýshy turǵyndardy «WornerBros» platformasy arqyly qysqa beinerolikter men filmderdi kórip, tabys tabýǵa bolady degen jeleýmen júiege tartqan. Qatysýshylar referaldyq silteme arqyly tirkelip, quny 10 myń teńgeden 11 million teńgege deiingi VIP-paketterdiń birin satyp alǵan.
Olarǵa kúnine 735 myń teńgege deiin tabys tabý múmkindigi ýáde etilgen. Sonymen qatar árbir jańa qatysýshyny tartqany úshin bonýs tólenip otyrǵan. Júieni nasihattaý úshin WhatsApp messendjerindegi toptar, áleýmettik jelilerdegi jarnamalar jáne túrli úgit-nasihat kezdesýleri paidalanylǵan.
Tergeý barysynda salymshylardyń qarajatyn jinaý men aýdarýǵa qoldanylǵan kriptoámiiandar anyqtaldy. Sot sanktsiiasymen 3 million USDT kólemindegi kriptoaktivterge tyiym salyndy.
Sot aiyptalýshyny kináli dep tanyp, 5 jylǵa bas bostandyǵynan aiyrý jazasyn taǵaiyndady. Sonymen qatar 24 jábirlenýshiniń azamattyq talap-aryzdary qanaǵattandyryldy.
Úkim zańdy kúshine endi.
