Kiber shabýyldardy taldaý jáne zertteý ortalyǵynyń mamandary (KShTZO) Internetke 11 million qazaqstandyqtyń derbes derekteri shyǵyp ketkenin anyqtady.
Kiberqaýipsizdik salasynyń mamandary ashyq jelide jariialanǵan derbes derekterdi ótken aptada kezdestirip, ol jaiynda Telegram arnasynda habarlady.
"Ótken aptada KShTZO mamandary Jelide iri kólemde jeke málimetterdiń shyǵyp ketkenin anyqtady. 11 million adamnyń, iaǵni eldegi kámeletke jasyna tolǵan halyqtyń barlyǵynyń tolyq aqparaty saqtalǵan baza jalpyǵa qoljetimdi Internet jelisinde tur. Kez kelgen adam júiege erkin kirip, ony tolyǵymen ózine júktep ala alady", - dep jazylǵan habarlamada.
Sarapshylardyń aitýynsha, bazadaǵy derekter – jańa, olar jarty jyl buryn ózektendirilgen.
Ony qylmyskerler – alaiaqtar paidalanyp ketýi múmkin.
Aqparat Internet qoldanýshylaryna qansha ýaqyt qoljetimdi bolyp turatyny ázirge belgisiz.
"Derekter qalai jariialanyp ketkeni anyqtalyp jatyr", - dep jazylǵan ortalyqtyń habarlamasynda.
Sondai-aq, Kiber shabýyldardy saraptaý jáne zertteý ortalyǵynyń mamandary mán-jaidy bilý úshin quzyrly organdarǵa shaǵymdandy.
