Tótenshe jaǵdai rejimi aiaqtalǵannan keiin mektep, kolledj, ýniversitetter qashyqtan jumys isteýin jalǵastyra beredi. Bul týraly QR Bilim jáne ǵylym ministri Ashat Aimaǵambetov tikelei efir barysynda málim etti, dep habarlaidy QazAqparat.
«Prezident aitqandai, mektep, kolledj, ýniversitetter qashyqtan jumysyn jalǵastyra beredi. Qashyqtan jumys istep kele jatqanymyzǵa úsh apta boldy. Osylai jumys isteýge úirenip qaldyq. Bastapqyda týyndaǵan suraqtar qazir joq. Protsess júrip jatyr jáne buǵan qatysty úlken másele joq», - deidi ministr.
Sondai-aq Ashat Aimaǵambetov oqý jyly qashan aiaqtalatynyn aitty.
«QR Bilim jáne ǵylym ministriliginiń buiryǵy boiynsha oqý jylyn keste boiynsha aiaqtaimyz. 25 mamyrda orta bilim berý mekemeleriniń bárinde oqý jyly aiaqtalady», - deidi ol.
Eske salaiyq, búgin QR Prezidenti Qasym-Jomart Toqaev málimdeme jasap, tótenshe jaǵdai rejimi biylǵy 11 mamyrǵa deiin jalǵasatynyn aitty.
