Foto: Pexels.com
Sońǵy kúnderi áleýmettik jelide 11 qarashadan bastap bank kartalary jumys istemeitini týraly habar taralyp, eldi ábigerge salyp jatyr. «Qolma-qol aqsha alyp júrińiz, bank kartalary jumys istemei qalady» degen aqparat týraly Ulttyq bank túsinikteme berdi, dep habarlaidy Ult.kz.
Ulttyq banktiń habarlaýynsha barlyq bankterdiń tólem júielerine ISO 20022 tólem habarlamalary júiesi engizilip jatyr. Bul jumystar qarashanyń sońyna deiin jalǵasady.
"Bul jumystardyń kartochkalarmen jasalatyn tólemderge esh qatysy joq. Osylaisha, halyqtyń tólem kartalary, QR-kodtar, mobildi aýdarymdar, bankomattardan qolma-qol aqsha alý, uialy bailanys tólemderi jáne basqa da tólemder ózgerissiz qalady", - delingen aqparatta.
Sonymen qatar, aqparat júielerin baptaý qajet bolǵandyqtan, bankter tehnikalyq jumystar júrgizedi. Sondai kezde bankaralyq qyzmet kórsetýge bailanysty tólemderdi qabyldaý kestesinde qysqamerzimdi ózgerister bolýy múmkin (qarjy uiymdary ISO 20022-ni engizetin demalys kúnderinde).
Ulttyq banktiń sózine sensek bank kartalarynan aqsha sheship ábigerge túsýdiń qajeti joq.
