1 jeltoqsandaǵy jaǵdai boiynsha ataýly áleýmettik kómek (AÁK) 168,6 myń otbasynyń 858,2 adamyna 58,3 mlrd. teńge somasynda tólendi, dep habarlaidy "Ult aqparat".
QR eńbek jáne halyqty áleýmettik qorǵaý ministrliginiń baspasóz qyzmetiniń habarlaýynsha, otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70%-ynan tómen azamattarǵa AÁK taǵaiyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirlerinde tabysy az otbasylardyń mektep jasyna deiingi balalaryn kepildik berilgen áleýmettik toptamamen (budan ári – áleýmettik toptamamen) qamtamasyz etý boiynsha jumys júrgizilýde. Aǵymdaǵy jyldyń 11 aiynda áleýmettik toptama alýshylardyń jalpy sany 158,1 myń otbasyn nemese 431,3 myń adamdy qurady. 1 jastan 6 jasqa deiingi AÁK alýshylar qatarynan 216,4 myń bala azyq-túlik jiyntyǵy jáne turmystyq himiia túrinde kepildik berilgen áleýmettik toptama aldy.
Esterińizge sala keteiik, 130 myń qazaqstandyq otbasynyń 650 myńnan astam adamyna IV toqsanda ataýly áleýmettik kómek taǵaiyndaý memlekettik instantsiiaǵa júginbei-aq avtomatty túrde uzartyldy. QR Eńbek jáne halyqty áleýmettik qorǵaý ministriniń tiisti buiryǵy aǵymdaǵy jyldyń 25 qyrkúieginde qabyldandy. AÁK alýshylarǵa budan buryn, II jáne III toqsanda TJ rejimi men karantindik shekteý sharalarynyń qoldanylýyna bailanysty kómek taǵaiyndaý uzartylǵan bolatyn.
