Foto: polisia.kz
Aqmola oblysynyń CyberPol bólinisiniń qyzmetkerleri Bolgariia azamatyn 102 million teńgege aldaǵan qylmystyq toptyń múshelerin ustady, - dep habarlaidy Ult.kz Polisia.kz-ke silteme jasap.
Sheteldik azamat mamyr-maýsym ailarynda internet-alaiaqtardyń qurbanyna ainalǵan. Qaskóiler ózderin bank qyzmetkerleri retinde tanystyryp, jábirlenýshini iri kólemdegi aqshany bógde adamdardyń shotyna aýdarýǵa kóndirgen.
Túsken aryz boiynsha politseiler qylmystyq is qozǵap, tsifrlyq tehnologiialardy paidalana otyryp, jedel-izdestirý sharalaryn júrgizdi.
Nátijesinde qylmystyń eki uiymdastyrýshysy anyqtaldy. Olar Pavlodar oblysynyń turǵyndary. Sonymen qatar qylmystyq shemanyń taǵy tórt yqtimal qatysýshysy belgili boldy. Ustalǵandar Pavlodar qalasynda ótken "Kontrafakt" jedel-aldyn alý is-sharasy aiasynda qolǵa tústi.
Aldyn ala málimet boiynsha kúdiktilerdiń Kókshetaý qalasy men Qorǵaljyn aýdanynda bolǵan eki uqsas alaiaqtyq faktisine de qatysy bolýy múmkin. Basqa jábirlenýshilerdi anyqtaý jumystary júrgizilýde.
Tintý barysynda uialy telefondar men qarajattyń bir bóligi tárkilendi. Barlyq kúdiktiler ýaqytsha
