«Qazaqstannyń aýyr atletikasynyń úmiti» atanǵan jattyqtyrýshy Ivan Snegýrov shákirtterimen birge tabandy eńbek etip, keleshekte el abyroiyn asqaqtatýǵa ýáde berdi, dep habarlaidy QazAqparat.
Ivan Snegýrov - Qaraǵandy qalasynyń týmasy.
«Meniń atam men ákem – aýyr atletikadan bapker bolǵan kisiler. Mine, sondyqtan áke jolyn jalǵastyrý kerek dep uiǵardym. 28 jasymda Qazaqstan Respýblikasynyń eńbek sińirgen bapkeri atandym. Qazirgi tańda meniń shákirtterimniń ishinen Álem jáne Aziia chempiondary, respýblikalyq deńgeidegi rekordsmender de shyqty. Tabandy túrde eńbekti jalǵastyryp, startqa daiyndala beremiz. Alaida qazirdiń ózinde 2024 jyly amandyq bolsa, Qazaqstanǵa Olimpiadanyń altyn medalin alyp kelemiz», - dedi Ivan Snegýrov elordada «Qazaqstannyń 100 jańa esimi» jobasynyń úshinshi kezeńine orai ótkizilgen jiynda.
Bapker shákirtteriniń birligi bekem, maqsaty aiqyn ekenin atap ótti.
«Otandastarymdy kele jatqan jańa jylmen quttyqtaimyn», - dedi ol.
Eske sala ketsek, elordada «Qazaqstannyń 100 jańa esimi» jobasynyń úshinshi kezeńi ótti. «Qazaqstannyń jańa esimderi» jobasynyń maqsaty - táýelsizdik jyldary Qazaqstannyń damýyna eleýli úles qosqan adamdardyń tarihy mysalynda tabystylyq, básekege qabilettilik, pragmatizm jáne bilimge tabyný ideialaryn ilgeriletý. Biyl jobaǵa qatysý úshin 1673 anketa qabyldanǵan. Jalpy, barlyq qatysýshyǵa 700 myńnan asa daýys berilgen.
Barlyq kezeńniń qorytyndysy boiynsha biyl 32 jeńimpaz anyqtaldy.
.jpeg)