100 myńǵa jýyq Qazaqstan azamaty narkologiialyq esepte tirkelgen, dep habarlaidy "Ult aqparat".
Bul týraly Ishki ister ministrligi Ákimshilik politsiia komiteti tóraǵasynyń orynbasary Aleksei Miliýk vedomstvonyń aqparat alańynda aitty.
«Ýchaskelik politsiia alkogolge táýeldi tulǵalardy májbúrlep emdeý boiynsha densaýlyq saqtaý organdarynyń aldynda másele qoiýǵa quqyly. Búginde narkologiialyq esepte 100 myńǵa jýyq osyndai azamat tirkelgen. Óziniń fýnktsonaldyq mindetine qarai halyqpen jeke bailanys ornatýǵa mindetti. Bul politsiia qyzmetiniń halyqqa qoljetimdigi qaǵidatynda erekshe mańyzǵa ie. Tipti aýyldarda ýchaskelik politsiia qyzmetkeri ondaǵy ishki ister organdarynyń, keide tipti memlekettik biliktiń jalǵyz ókili retinde jumys isteidi. Sondyqtan Memleket basshysy ýchaskelik politsiia qyzmetkerin politsiianyń ulttyq servistik modelindegi negizgi býyn retinde ataǵan bolatyn», - dedi Aleksei Miliýk.
