100 مىڭعا جۋىق قازاقستان ازاماتى ناركولوگييالىق ەسەپتە تٸركەلگەن, دەپ حابارلايدى "ۇلت اقپارات".
بۇل تۋرالى ٸشكٸ ٸستەر مينيسترلٸگٸ ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى الەكسەي ميليۋك ۆەدومستۆونىڭ اقپارات الاڭىندا ايتتى.
«ۋچاسكەلٸك پوليتسييا الكوگولگە تەۋەلدٸ تۇلعالاردى مەجبٷرلەپ ەمدەۋ بويىنشا دەنساۋلىق ساقتاۋ ورگاندارىنىڭ الدىندا مەسەلە قويۋعا قۇقىلى. بٷگٸندە ناركولوگييالىق ەسەپتە 100 مىڭعا جۋىق وسىنداي ازامات تٸركەلگەن. ٶزٸنٸڭ فۋنكتسونالدىق مٸندەتٸنە قاراي حالىقپەن جەكە بايلانىس ورناتۋعا مٸندەتتٸ. بۇل پوليتسييا قىزمەتٸنٸڭ حالىققا قولجەتٸمدٸگٸ قاعيداتىندا ەرەكشە ماڭىزعا يە. تٸپتٸ اۋىلداردا ۋچاسكەلٸك پوليتسييا قىزمەتكەرٸ ونداعى ٸشكٸ ٸستەر ورگاندارىنىڭ, كەيدە تٸپتٸ مەملەكەتتٸك بيلٸكتٸڭ جالعىز ٶكٸلٸ رەتٸندە جۇمىس ٸستەيدٸ. سوندىقتان مەملەكەت باسشىسى ۋچاسكەلٸك پوليتسييا قىزمەتكەرٸن پوليتسييانىڭ ۇلتتىق سەرۆيستٸك مودەلٸندەگٸ نەگٸزگٸ بۋىن رەتٸندە اتاعان بولاتىن», - دەدٸ الەكسەي ميليۋك.
