Osy jyldyń 1 qyrkúieginen bastap joǵary kýrstardaǵy 100 myń stýdent kásipkerlik negizderin tegin oqi alady. Bul týraly «Nur Otan» partiiasy Saiasi keńesiniń keńeitilgen otyrysynda Úkimet basshysy Asqar Mamin málim etti, dep habarlaidy QazAqparat.
«Osy jyldyń 1 qyrkúieginen bastap joǵary kýrstardaǵy 100 myń stýdent tegin túrde JOO-lar janyndaǵy kásipkerlik negizin oqi alady. Kásipkerlik bastamalardy qoldaý maqsatynda mikronesieleý shyǵyndary 83 mlrd teńgege deiin artty. Al jańa biznes ideialardy iske asyrý úshin 18 myń azamatqa 18 mlrd teńge kóleminde memlekettik grant bólinedi», - dedi Asqar Mamin.
Úkimet basshysynyń aitýyna qaraǵanda, azamattardy jumyspen qamtý baǵdarlamalaryna kóptep tartý úshin Nur-Sultan, Almaty, Shymkent qalalarynda 15 mobildi jumyspen qamtý ortalyǵy ashylǵan. Jyl sońyna deiin ondai ortalyqtar taǵy 15 jerde jumysyn bastaidy.
«Ekonomikadaǵy eńbek kúshi naryǵynda oń dinamika baiqalady. Ortasha eseppen jylyna elimizde 300 myń jańa jumys orny ashylady. 1 tamyzdaǵy jaǵdai boiynsha 227 myń jumys orny quryldy. Ótken jyldyń sáikes kezeńimen salystyrǵanda bul 13 paiyzǵa artyq kórsetkish. Osynyń arqasynda 7 aidyń ishinde jumyssyzdyq deńgeii 4,8 paiyzǵa azaidy», - dedi ol.
Aita ketsek, elordada QR Tuńǵysh Prezidenti – Elbasy Nursultan Nazarbaevtyń tóraǵalyǵymen «Nur Otan» partiiasy Saiasi keńesiniń keńeitilgen otyrysy ótip jatyr.
