Halyqaralyq eńbek uiymynyń (HEU) jańa baiandamasynyń avtorlary COVID-19 pandemiiasy saldarynan 100 millionnan astam qyzmetkerdiń kedeilengenin anyqtady, dep habarlaidy "Ult aqparat" Birikken Ulttar Uiymynyń (BUU) saityna silteme jasap.
Zertteý nátijesi 2019 jylmen salystyrǵanda álem boiynsha 108 million qyzmetker kedei jáne qatty kedei sanatyna jatqyzylǵanyn kórsetken. Olar jáne olardyń otbasy kúnine bir adamǵa 3,20 dollardan tómen aqshaǵa ómir súredi.
Sonymen qatar 2020 jyly 2019 jyldyń tórtinshi toqsanymen salystyrǵanda álemde jumys saǵatynyń 8,8 paiyzynyń joǵalǵany ataldy. Bul 255 million tolyq kúngi jumys ornyna teń. Esepte aitylǵandai, jaǵdaidyń nasharlaýyna qaramastan, álemde jumys saǵatynyń sany jańartylmaǵan. Osy jyldyń aiaǵyna deiin áli 100 million tolyq kúngi jumys orny jetispeidi.
Al 2022 jyly jahandyq jumyssyzdyq 205 million adamǵa jetpek. 2019 jyly bul kórsetkish 187 million bolǵan.
