Ekologiia departamenti basshysynyń orynbasary sottaldy, - dep habarlaidy "Ult aqparat" Antikor málimetine silteme jasap.
"Shymkent qalasynyń mamandandyrylǵan aýdanaralyq qylmystyq sotynyń úkimi boiynsha, Qyzylorda oblysy ekologiia departamenti basshysynyń orynbasary B.Tilegenov qaýipsizdigi ortasha túzeý mekemesinde merzimin óteýmen 10 jyl 6 aiǵa bas bostandyǵynan aiyryldy.
Ol JShS basshylaryna tiesili 100 million teńgeni alaiaqtyq jolmen iemdengeni úshin kináli dep tanyldy", - delingen habarlamada.
Sondai-aq, Tilegenov JShS basshylaryn prokýratýranyń, memlekettik kirister jáne ekonomikalyq tergeý departamentteriniń laýazymdy tulǵalary arqyly máseleni sheshemin dep, JShS-ǵa qatysty ekologiialyq zańnamany buzý týraly isti toqtatý jáne memlekettik kirister organdarynyń habarlamasyn keri qaitarý úshin para berýge itermelegen.
Úkim zańdy kúshine engen joq.
