"Áýejai Astana" keden beketinde 100 million teńgeden asa qarajat pen altyn quimasyn zańsyz áketý derekteri anyqtaldy, - dep habarlaidy "Ult aqparat" Qarjy ministrliginiń baspasóz qyzmetine silteme jasap.
Vedomstvo málimetinshe, sáýir jáne mamyr ailarynda Astana qalasy boiynsha Memlekettik kirister departamentiniń "Áýejai Astana" keden beketinde kedendik baqylaýdy júzege asyrý kezinde 100 million teńgeden asa soma aqshalai qarajatty, sondai-aq bir quima tazartylǵan altyndy zańsyz áketý derekteri anyqtalǵan.
Astana qalasy boiynsha Ekonomikalyq tergeý departamentimen birlese júrgizilgen sharalar nátijesinde, «Astana-Antaliia» áýe reisin tekserý kezinde 118 392 dollar, 28 750 rýbl, 92 885 eýro somasynda deklaratsiialanbaǵan qolma-qol aqshasy bar azamat toqtatylǵan.
"Qarjy ministrligi jeke tulǵalarǵa Qazaqstannan 10 myń dollar balamasynan asatyn qolma-qol shetel valiýtasy men shetel valiýtasyndaǵy aqsha quraldaryn áketýge, sondai-aq tazartylǵan altyndy áketýge tyiym salynǵanyn eske salady.
Bul rette mundai zańbuzýshylyqtar anyqtalǵan jaǵdaida Qazaqstan Respýblikasynyń zańnamasyna sáikes ákimshilik nemese qylmystyq jaýapkershilik kózdeledi" - delingen habarlamada.
