Shymkentte 100-ge jýyq turǵyn arnaýly áskeri jiynǵa qabyldandy. Beibit kúni áskeriler sapyna qosylǵan sarbazdar qalada zalalsyzdandyrý jumysyn atqarmaq, dep habarlaidy Qalalyq tótenshe jaǵdai shtaby.
Habarlanǵandai, sarbazdar sanitarlyq buǵattaý beketterine kómektesetin bolady.
«Sarbazdar qaladaǵy 25-ten 4 aýdanǵa bólindi. Olar eki kún boiy zalalsyzdandyrý jumystaryna kómektesedi. Sarbazdardy tasymaldaý men tamaq máselesi sheshilgen», - dep atap ótti qala ákiminiń orynbasary Almasbek Mamytbekov.
Aita keteiik, tótenshe jaǵdai kezinde ásker qataryna 35 jasqa deiingi azamattar tirkeýge alynǵan. Shymkent qalalyq áskeri komissariiatynda arnaiy meditsinalyq komissiia jasaqtalyp, úmitkerler saraptamadan ótken. Synaqtan ótken zapastaǵy sarbazdar tótenshe jaǵdai ýaqytynda ásker qatarynda bolady. Turaqty jumysy bar erikti sarbazdardyń ailyq jalaqylary da saqtalady.
