Pavlodar oblysynda 100-den astam senip qalǵan azamat qarjy piramidasynyń qyzmetine tartylǵan. Bul týraly Qarjylyq monitoring agenttigi habarlady.
QR Qarjylyq monitoring agenttigi Pavlodar oblysynda bir jyldan kem ýaqyt buryn qurylǵan qarjylyq piramida belgileri bar «Lider Kapital 168» MQU JShS-niń qyzmetiniń jolyn kesti.
Az ýaqyt ishinde uiymdastyrýshylar 100-den astam senip qalǵan azamatty salym somasynyń 10%-y kóleminde ai saiynǵy kiris alý shartymen qyzmetine tartyp úlgirgen. Qazirgi ýaqytta alaiaqtyq shemaǵa tartylǵan basqa azamattar anyqtalýda.
Qarjy piramidasyn qurý deregi boiynsha sotqa deiingi tergeý isi qozǵaldy.
«Qurmetti azamattar! QR Ulttyq Bankiniń túsinik berýine sáikes, Qazaqstan aýmaǵynda turǵyndardan aqsha tartýmen ýákiletti organ bergen litsenziia negizinde ekinshi deńgeili bankter men Ulttyq poshta operatorlary ǵana ainalysa alady.QR Qarjylyq monitoring agenttigi kúmándi kompaniialarǵa qarajatty salýdan bas tartýǵa shaqyrady», - delingen agenttik habarlamasynda.
