Politseiler sany 11 paiyzǵa qysqartyldy. Bul týraly QR Ishki ister ministri Erlan Turǵymbaev málim etti, dep habarlaidy QazAqparat.
«Ishki ister organdaryn reformalaý – ol ýaqyt talaby. Osyǵan orai Elbasy Jol kartasyn ázirleý týraly tapsyrma berdi. 2019 – 2021 jyldarǵa arnalǵan baǵdarlama óz nátijesin bere bastady. Alǵashqy kezeńde politseiler sany 11 paiyzǵa qysqartyldy. Profilaktikany kúsheitý úshin qyzmetkerler mektep, kóshe, qoǵamdyq oryndarǵa jiberildi. Shetelden kelgen qonaqtar úshin alty oblysta týristik politsiia ashyldy», - dedi ministr ishki ister organdaryn jańǵyrtýǵa arnalǵan Jol kartasyn iske asyrý boiynsha Parlament Senatyndaǵy Úkimet saǵatynda.
Jalpy, Jol kartasy 9 basty baǵytty kózdeidi, olardyń árqaisysy boiynsha ótken jyly birqatar jumystar atqaryldy.
«Birinshi baǵyt uiymdastyrýshylyq-shtattyq qurylymdy ońtailandyrýǵa negizdelgen. Osy baǵyttyń maqsaty – yqsham apparatty qurý. Bul turǵyda 100 myń turǵynǵa shaqqanda politseiler sanyn ortasha eýropalyq deńgeige deiin jetkizý eskerilgen. IIM jáne onyń vedomstvolarynyń fýnktsiialaryna taldaý júrgizildi, olardyń qorytyndysy boiynsha 106 artyq basqarý býyndary jáne 1 483 basshylyq laýazymdar taratyldy. IIM qyzmetkereleri sany 11 paiyzǵa kemidi, iaǵni 10 592 qyzmetker qysqartyldy», - dedi E. Turǵymbaev.
Osy oraida 16 mlrd teńgege jýyq qarjy únemdeldi.
«Nátijesinde 100 myń turǵynǵa shaqqandaǵy politseilerdiń sany 471-den 393-ke deiin azaidy. Bul ortasha eýropalyq deńgeige sáikes keledi», - dedi vedomstvo basshysy.
