Kópshilikke Jarqyn ustaz dep tanymal Jarqyn Myrzatai suhbatta jigitterge úndeý jasap, bloger qyzdarǵa jolamaýǵa jáne olarǵa úilenbeýge keńes bergen.
Jarqyn Myrzataidyń aitýynsha, 10 myń oqyrmany qyz áiel bola almaidy.
"10 myń oqyrmany bar qyz saǵan "qatyn" bolyp jarytpaidy. Ol oqyrmanynyń lúpili úshin bárin jasaidy. Bar sulýlyǵyn internetke salyp júrgen qyz úiińde "qatyn" bolyp otyrmaidy. Olardy almaý kerek. Túrine qarap alsa, ómir boiy qyzǵanyp ótesiń. Meili hidjab kiip tursyn, sulýlyǵyn kórsetip otyr", - dedi Jarqyn Myrzatai.
Sózinshe, qyzdar internette ózin kórsetý arqyly er adamdardy eliktirip, oiyn buzady. Tipti blog júrgizip, aqyl aitqany orynsyz deidi.
"Jabyq kanalda tek áieldermen dáris ótse bolady. Biraq búkil internetke shyǵyp, erkekter kóretin jerde otyrýǵa ruqsat joq. Onyń ýaǵyzyn tyńdaǵan erkek "má, músini zor eken" dep otyra beredi. Nege, óitkeni ol erkek, pende ǵoi. "Sen olai oilama" deidi, qalai oilamaimyn, men impotent emespin ǵoi. Sulý qatyn shyǵyp tursa, boldy, men ony oilai beremin", – dedi ol.
Aita keteiik, qazirgi tańda Jarqyn Myrzatai imam emes jáne QMDB-ǵa qaramaidy. Ol qajylyq firmada gid qyzmetin atqarady.
