Foto: starhit.ru
Pavlodarda Jastar úiiniń kámeletke tolmaǵan tárbielenýshisin toptasyp zorlaý isi boiynsha sot otyrysy bastaldy, - dep habarlaidy Tengrinews.kz saity.
Ótken jazda 16 jastaǵy qyz zorlyq-zombylyqtan qutylý úshin 10-qabattyń terezesinen sekirip ketken.
Pavlodar oblysynyń qylmystyq ister jónindegi mamandandyrylǵan aýdanaralyq sotynda aldyn ala tyńdaý ótti. "Sot kabinetiniń" málimetinshe, basty sot otyrysy 29 naýryzǵa belgilengen.
"Zańǵa sáikes, atalǵan sanattaǵy qylmystyq ister jabyq esik jaǵdaiynda qaralady", - dedi Pavlodar oblystyq sotynyń baspasóz qyzmeti ókilderi.
Eske salaiyq, buǵan deiin Pavlodardyń úsh turǵyny qylmys jasady degen kúdikke ilingeni habarlanǵan bolatyn.
