Túrkistan oblysynda dárigerler COVID-19 juqtyrǵan on ailyq sábi emdelip shyqty, dep habarlaidy "Ult aqparat".
Oblystyq qoǵamdyq densaýlyq basqarmasynyń málimetinshe, jasqa tolmaǵan sábi virýsty naýqas adamnan juqtyrǵan.
Qazir sábi COVID-19 infektsiiasynan emin tolyǵymen aiaqtap, taldamasynyń «teris» bolýyna bailanysty «oblystyq ftiziopýlmonologiia ortalyǵynda» týberkýlezge qarsy emin jalǵastyrýda.
«Ókpe aýrýyna shaldyqqan azamattar onsyz da álsiz keledi. Naýqastardy barynsha Sovid-19 infektsiiasynan qorǵaýǵa tyrysamyz. Barlyq saqtyq sharalary qamtamasyz etilgen. Aýrýhanada tipti koronavirýsty erte anyqtaý maqsatynda arnaiy virýsologiialyq zerthana qyzmet kórsetedi. Zerthana sońǵy úlgidegi apparattarmen jabdyqtalǵan. Mamandarymyz ony jaqsy meńgerip, halyqqa kórsetiletin meditsinalyq qyzmet sapasyn arttyrýǵa óz úlesterin qosýda», - deidi oblystyq ftiziopýlmonologiia ortalyǵynyń bas dárigeri Bolathan Saǵymbekov.
