QR Premer-Ministri Asqar Maminniń tóraǵalyǵymen ótken Úkimet otyrysynda elimizdiń 2019 jylǵy qańtar-qazan ailaryndaǵy áleýmettik-ekonomikalyq damýynyń jáne respýblikalyq biýdjettiń oryndalýynyń qorytyndylary qaraldy, dep habarlaidy "Ult aqparat".
Ekonomikanyń, bank salasynyń, respýblikalyq biýdjettiń oryndalýynyń, memlekettik satyp alýlardaǵy jergilikti qamtýdyń jai-kúii týraly QR ulttyq ekonomika ministri R. Dálenov, Ulttyq bank tóraǵasy E. Dosaev, Premer-Ministrdiń birinshi orynbasary – qarjy ministri Á. Smaiylov baiandady, ónerkásip jáne kólik salasyndaǵy jaǵdailar týraly, eksporttyq ónimder boiynsha QR indýstriia jáne infraqurylymdyq damý ministri B. Atamqulov, agrarlyq sala boiynsha QR aýyl sharýashylyǵy ministri S. Omarov, munai-gaz salasy týraly QR energetika birinshi vitse-ministri M. Dosmuhambetov málim etti.
Qazaqstan ekonomikasy turaqty ósý betalysyn kórsetip otyr — 2019 jylǵy qazan-qańtar ailarynda JIÓ ósimi ótken jyldyń sáikes kezeńine 4,4% qurady. Qurylysta – 12,7%, saýdada – 7,5%, kólik salasynda – 5,6%, óńdeý sektorynda, onyń ishinde mashina jasaýda – 18,2%, jeńil ónerkásipte – 19%, tústi metaldar óndirisinde – 7,5%, munai óńdeýde – 7,2%, metall kenderin óndirýde – 16,1%, bailanys qyzmetinde – 4,5% oń dinamika baiqalyp otyr. Ulttyq qor aktivteri 2,1%-ǵa $59,2 mlrd-qa deiin, respýblikalyq biýdjetke kirister – 8386,6 mlrd teńgege (jospardyń 100%) artty, ósý qarqyny 113,7% qurady.
Premer-Ministr Batys Qazaqstan, Qyzylorda, Mańǵystaý oblystarynyń jáne Nur-Sultan qalasynyń ákimderiniń esebin tyńdady, bul óńirler birqatar ekonomikalyq kórsetkishter boiynsha artta qalyp otyr, sondai-aq, biýdjet qarajatyn barynsha igermegen ministrlikterdiń basshylary — ekologiia, geologiia jáne tabiǵi resýrstar (10,6 mlrd tg), bilim jáne ǵylym (9,3 mlrd tg), mádeniet jáne sport (6,1 mlrd tg), tsifrlyq damý, innovatsiialar jáne aeroǵarysh ónerkásibi (5,1 mlrd tg) ministrleri tyńdaldy.
«Elbasy Nursultan Nazarbaev “Nur Otan” partiiasy fraktsiiasynyń keńeitilgen otyrysynda ekonomika ósimin qamtamasyz etý mindetin alǵa qoidy. Memleket basshysy Qasym-Jomart Toqaev ekonomikalyq máseleler jónindegi keńeste elimizdiń makroekonomikalyq, qarjylyq jáne áleýmettik turaqtylyǵyn saqtaý boiynsha sharalardy qabyldaýdy tapsyrdy», — dedi A. Mamin.
Premer-Ministr óńirler men ministrlikterdiń basshylaryna Elbasy N. Nazarbaev pen Prezident Q. Toqaev alǵa qoiǵan mindetterdi oryndaý jumystaryn jandandyrýdy, sondai-aq, mańyzdy ónerkásiptik kórsetkishterdiń ósimin yntalandyrýdy tapsyrdy.
Úkimet basshysy Aqtóbe, Aqmola, Shyǵys Qazaqstan, Pavlodar jáne Soltústik Qazaqstan oblystarynyń ákimdikteriniń jumysynyń jaqsy nátijesin atap ótti, olarda osy jyldyń 10 aiynyń qorytyndysy boiynsha negizgi ekonomikalyq indikatorlardyń ósimi baiqalady. Artta qalýshy ákimdikterge problemalyq kórsetkishter boiynsha jaǵdaidy retke keltirý úshin túbegeili sharalardy qabyldaýdyń qajettigi aityldy.
«Biýdjet bóligi boiynsha ótken jylmen salystyrǵanda, osy jyldyń josparynyń asyra oryndalýy baiqalýda. Degenmen, biýdjettik baǵdarlamalardyń birqatar ákimshisinde biýdjet qarajattarynyń igerilmeýi belgilengen. Ótkizilmegen konkýrstar, josyqsyz merdigerler jáne qarjylandyrý josparlary boiynsha ózgerister jónindegi dálelder qabyldanbaidy. Jyl sońyna deiin bir jarym ai qaldy», — dedi A. Mamin.
Premer-Ministr ekonomikanyń sapaly ári turaqty ósimin qamtamasyz etý úshin investitsiialar tartýǵa, jumys oryndaryn qurýǵa, ónimdilikti arttyrýǵa jáne azamattardyń ál-aýqatyn jaqsartýǵa barlyq kúsh-jigerdi jumsaý qajet ekenin atap ótti.
