istockphoto.com
Respondentterdiń 63,7%-y LGBT týraly aqparatty eń aldymen áleýmettik jelilerden alatynyn aitqan. Bul týraly "Órkendeýge járdemdesýdiń ulttyq qorynyń" jetekshisi Úsen Súleimen málimdedi. Onyń aitýynsha, bul derekter kámeletke tolmaǵandarǵa tsifrlyq orta arqyly dástúrli emes jynystyq qatynastardy nasihattaý deńgeiin zertteý maqsatynda júrgizilgen aqparattyq keńistikti monitoringteý nátijesinde alynǵan, dep habarlaidy Ult.kz.
Súleimenniń aitýynsha, qor sarapshylary bir jyl ishinde áleýmettik media platformalarynda LGBT taqyrybyna qatysty 1559 jariialanymdy tirkegen. Sonymen qatar, mundai kontentti belsendi túrde taratatyn paidalanýshylardyń joǵary deńgeidegi belsendiligi baiqalǵan.
– Áleýmettik jelilerdiń tanymal alańdarynda aitarlyqtai belsendilik bar. Paidalanýshylar dástúrli emes jynystyq baǵdar máselelerine qatysty materialdardy, LGBT qundylyqtaryn nasihattaityn kontentterdi jii jariialap otyr. Men mundai nasihatqa qarsymyn, – dedi Úsen Súleimen.
Sondai-aq, júrgizilgen sotsiologiialyq saýalnama nátijesinde respondentterdiń 63,7%-y LGBT jaily aqparatty eń aldymen áleýmettik jelilerden alatyny, al dástúrli buqaralyq aqparat quraldary (gazet, teledidar, radio) tek 42% aýditoriiany qamtityny anyqtalǵan.
– Osylaisha, jastar úshin dástúrli emes jynystyq qatynastar týraly aqparattyń negizgi kózi – áleýmettik jeliler bolyp otyr. Jasóspirimder arasynda tsifrlyq táýeldilik kúsheiip keledi. Olar ideologiialyq reńki bar nemese jalǵan aqparatqa qarsy turýda osal ekenin eskersek, ósip kele jatqan urpaqty tárbieleý men qalyptastyrý isinde biz úlken táýekeldermen betpe-bet kelemiz, – dedi Úsen Súleimen.
