Foto: Pexels.com
1 shildeden bastap elimizde balalardy ornalastyrýdyń jańa túri – kásibi qabyldaýshy otbasy engizidedi. Bul ýaqytsha shara balalarǵa qaýipsiz ári jaily úi jaǵdaiyn jasaýǵa baǵyttalǵan, dep habarlaidy Ult.kz.
Qabyldaýshy kásibi otbasylar bir ýaqytta tórt balaǵa deiin qabyldai alady. Árbir balaǵa jeke kóńil bólinip, qamqorlyq kórsetiledi. Balanyń mundai otbasynda bolý merzimi eń kóp degende alty aidy quraidy.
Qabyldaýshy kásibi otbasylarǵa tek tórt sanattaǵy balalar ǵana ornalastyrylady:
• jetim balalar;
• ata-anasynyń qamqorlyǵynsyz qalǵan balalar;
• panasyz jáne qaraýsyz qalǵan balalar;
• zorlyq-zombylyqtan zardap shekken balalar.
Qabyldaýshy kásibi otbasy bolýǵa úmitkerler mindetti túrde jetim balalarǵa arnalǵan arnaiy uiymdar men balalardy otbasyna ornalastyrýǵa kómektesetin akkredittelgen mekemelerde psihologiialyq daiyndyqtan ótedi.
Kandidattardy taǵaiyndaý týraly sheshimdi qamqorshylyq organdary qabyldaidy. Bul sheshim usynylǵan qujattardyń tolyqtyǵy men zań talaptaryna sáikes qabyldanady.
Qabyldaýshy kásibi tárbieshige ár bala úshin ai saiyn járdemaqy jáne kórsetken qyzmeti úshin qosymsha tólem qarastyrylǵan.
Balalar anyqtalǵan boida internat mekemelerine emes, birden otbasylarǵa jiberiledi. Bul olardyń otbasy jylýyn sezinýine múmkindik beredi.
Aita keteiik, elimizde balalardy ornalastyrýdyń tórt túri bar: asyrap alý, qamqorshylyq, patronat jáne qabyldaýshy otbasy.
