2021 jyldyń 1 sáýirinen bastap BJZQ-dan ai saiynǵy tólemdi esepteýdi júzege asyrý ádistemesi ózgeredi. Bul týraly Qordyń baspasóz qyzmeti habarlady.
BJZQ-dan tólenetin ai saiynǵy zeinetaqy tóleminiń mólsheri Qazaqstan Respýblikasy Úkimetiniń 2013 jylǵy 2 qazandaǵy № 1042 qaýlysynyń (Zeinetaqy tólemderiniń mólsherin esepteýdi júzege asyrý ádistemesine 2-qosymsha) erejelerine sáikes eseptelgen zeinetaqy tólemderiniń jyldyq somasynyń on ekiden bir bóligi retinde aiqyndalady. Bul rette BJZQ-dan ai saiynǵy zeinetaqy tólemi eń tómengi kúnkóris deńgeiiniń 70% kem emes mólsherde júzege asyrylady. (Buryn BJZQ-dan ai saiynǵy zeinetaqy tólemi eń tómengi kúnkóris deńgeiiniń 54% kem emes mólsherde júzege asyrylǵan bolatyn).
Zeinetaqy tólemderiniń mólsherin esepteýdi júzege asyrý Ádistemesine sáikes 2021 jyldyń 1 sáýirinen bastap zeinetaqy tólemderin júzege asyrýdyń birinshi jylyndaǵy zeinetaqy tólemderiniń jyldyq somasy zeinetaqy jinaqtary somasynyń zeinetaqy jinaqtary tólemderiniń mólsherlemesine kóbeitindisi retinde esepteletin bolady – 6,5 %.
Odan keiingi jyldary ai saiynǵy zeinetaqy tóleminiń mólsheri ótken jylǵy ai saiynǵy zeinetaqy tóleminiń mólsherin zeinetaqy tólemderin indeksteý mólsherlemesine jyl saiyn arttyrý jolymen qaita esepteletin bolady – 5%.
Mysal keltireiik:
ZJ somasy = 6 000 0000 teńge
Birinshi jyldaǵy zeinetaqy tólemderiniń jyldyq somasy: 6 000 000*6,5%=390 000 teńge;
Birinshi jyldaǵy ai saiynǵy zeinetaqy tóleminiń mólsheri: 390 000/12 ai =32 500 teńge;
Ekinshi jylǵa arnalǵan ai saiynǵy zeinetaqy tóleminiń mólsheri: 32 500+ 32 500*5%=34 125 teńge.
Budan basqa, zeinetaqy tólemderiniń mólsherin esepteýdi júzege asyrý Ádistemesinde belgili bir sanattarǵa jatatyn, iaǵni merzimsiz ýaqytqa belgilengen 1 nemese 2-toptaǵy múgedektigi bar, sondai-aq, jinaqtary mindetti kásiptik zeinetaqy jarnalary esebinen keminde alpys ai jinaqtalatyn ziiandy jáne qaýipti óndiristerde jumys istegen alýshylar úshin túzetiletin arttyrý koeffitsientteri kózdelgen. Bul rette, joǵaryda kórsetilgen sharttardyń bireýin ǵana emes, odan da kóbin qanaǵattandyratyn tulǵalar úshin eń úlken mánge ie túzetý koeffitsienti qoldanylady.
Aita ketý kerek, zeinetaqy tólemderiniń mólsherin esepteýdi júzege asyrýdyń atalǵan Ádistemesi 2021 jyldyń 1 sáýirinen bastap týyndaǵan qatynastarǵa qoldanylady.
BJZQ-dan zeinetaqy tólemderin alý quqyǵyn 2018 jylǵy 1 qańtarǵa deiin iske asyrǵan adamdarǵa zeinetaqy tóleminiń jyl saiynǵy mólsheri eń tómen zeinetaqynyń otyz eselengen mólsherinen kem bolmaidy (2021 jyly 30 h 43 272=1 298 160 teńge). Tólemder buryn tańdalǵan keste boiynsha júzege asyrylady.
Zeinetaqy tólemderiniń mólsherin esepteýdi júzege asyrýdyń jańa Ádistemesine sáikes, BJZQ-dan zeinetaqy tólemderin alý quqyǵyn 2018 jylǵy 1 qańtardan bastap 2021 jylǵy 31 naýryzǵa (qosa alǵanda) deiin iske asyrǵan adamdarǵa 2022 jylǵy 1 qańtardan bastap ai saiynǵy zeinetaqy tólemderi 5% mólsherindegi zeinetaqy tólemderin indeksteý mólsherlemesine ulǵaitylatyn bolady, ol keiinnen jyl saiyn indekstelip otyrady.
Osylaisha zeinetaqy tólemderiniń mólsherin esepteýdi júzege asyrýdyń jańa Ádistemesi alýshylardyń eńbek jaǵdailary men densaýlyǵynyń erekshelikterin eskeredi, sondai-aq, BJZQ-dan beriletin jyl saiynǵy tólemder mólsherin ulǵaitýǵa yqpal etetin bolady.
Esterińizge sala keteiik, BJZQ-dan zeinetaqy tólemderi jeke zeinetaqy shotyndaǵy zeinetaqy jinaqtary taýsylǵanǵa deiin júzege asyrylady.
