2021 جىلدىڭ 1 سەۋٸرٸنەن باستاپ بجزق-دان اي سايىنعى تٶلەمدٸ ەسەپتەۋدٸ جٷزەگە اسىرۋ ەدٸستەمەسٸ ٶزگەرەدٸ. بۇل تۋرالى قوردىڭ باسپاسٶز قىزمەتٸ حابارلادى.
بجزق-دان تٶلەنەتٸن اي سايىنعى زەينەتاقى تٶلەمٸنٸڭ مٶلشەرٸ قازاقستان رەسپۋبليكاسى ٷكٸمەتٸنٸڭ 2013 جىلعى 2 قازانداعى № 1042 قاۋلىسىنىڭ (زەينەتاقى تٶلەمدەرٸنٸڭ مٶلشەرٸن ەسەپتەۋدٸ جٷزەگە اسىرۋ ەدٸستەمەسٸنە 2-قوسىمشا) ەرەجەلەرٸنە سەيكەس ەسەپتەلگەن زەينەتاقى تٶلەمدەرٸنٸڭ جىلدىق سوماسىنىڭ ون ەكٸدەن بٸر بٶلٸگٸ رەتٸندە ايقىندالادى. بۇل رەتتە بجزق-دان اي سايىنعى زەينەتاقى تٶلەمٸ ەڭ تٶمەنگٸ كٷنكٶرٸس دەڭگەيٸنٸڭ 70% كەم ەمەس مٶلشەردە جٷزەگە اسىرىلادى. (بۇرىن بجزق-دان اي سايىنعى زەينەتاقى تٶلەمٸ ەڭ تٶمەنگٸ كٷنكٶرٸس دەڭگەيٸنٸڭ 54% كەم ەمەس مٶلشەردە جٷزەگە اسىرىلعان بولاتىن).
زەينەتاقى تٶلەمدەرٸنٸڭ مٶلشەرٸن ەسەپتەۋدٸ جٷزەگە اسىرۋ ەدٸستەمەسٸنە سەيكەس 2021 جىلدىڭ 1 سەۋٸرٸنەن باستاپ زەينەتاقى تٶلەمدەرٸن جٷزەگە اسىرۋدىڭ بٸرٸنشٸ جىلىنداعى زەينەتاقى تٶلەمدەرٸنٸڭ جىلدىق سوماسى زەينەتاقى جيناقتارى سوماسىنىڭ زەينەتاقى جيناقتارى تٶلەمدەرٸنٸڭ مٶلشەرلەمەسٸنە كٶبەيتٸندٸسٸ رەتٸندە ەسەپتەلەتٸن بولادى – 6,5 %.
ودان كەيٸنگٸ جىلدارى اي سايىنعى زەينەتاقى تٶلەمٸنٸڭ مٶلشەرٸ ٶتكەن جىلعى اي سايىنعى زەينەتاقى تٶلەمٸنٸڭ مٶلشەرٸن زەينەتاقى تٶلەمدەرٸن يندەكستەۋ مٶلشەرلەمەسٸنە جىل سايىن ارتتىرۋ جولىمەن قايتا ەسەپتەلەتٸن بولادى – 5%.
مىسال كەلتٸرەيٸك:
زج سوماسى = 6 000 0000 تەڭگە
بٸرٸنشٸ جىلداعى زەينەتاقى تٶلەمدەرٸنٸڭ جىلدىق سوماسى: 6 000 000*6,5%=390 000 تەڭگە;
بٸرٸنشٸ جىلداعى اي سايىنعى زەينەتاقى تٶلەمٸنٸڭ مٶلشەرٸ: 390 000/12 اي =32 500 تەڭگە;
ەكٸنشٸ جىلعا ارنالعان اي سايىنعى زەينەتاقى تٶلەمٸنٸڭ مٶلشەرٸ: 32 500+ 32 500*5%=34 125 تەڭگە.
بۇدان باسقا, زەينەتاقى تٶلەمدەرٸنٸڭ مٶلشەرٸن ەسەپتەۋدٸ جٷزەگە اسىرۋ ەدٸستەمەسٸندە بەلگٸلٸ بٸر ساناتتارعا جاتاتىن, ياعني مەرزٸمسٸز ۋاقىتقا بەلگٸلەنگەن 1 نەمەسە 2-توپتاعى مٷگەدەكتٸگٸ بار, سونداي-اق, جيناقتارى مٸندەتتٸ كەسٸپتٸك زەينەتاقى جارنالارى ەسەبٸنەن كەمٸندە الپىس اي جيناقتالاتىن زيياندى جەنە قاۋٸپتٸ ٶندٸرٸستەردە جۇمىس ٸستەگەن الۋشىلار ٷشٸن تٷزەتٸلەتٸن ارتتىرۋ كوەففيتسيەنتتەرٸ كٶزدەلگەن. بۇل رەتتە, جوعارىدا كٶرسەتٸلگەن شارتتاردىڭ بٸرەۋٸن عانا ەمەس, ودان دا كٶبٸن قاناعاتتاندىراتىن تۇلعالار ٷشٸن ەڭ ٷلكەن مەنگە يە تٷزەتۋ كوەففيتسيەنتٸ قولدانىلادى.
ايتا كەتۋ كەرەك, زەينەتاقى تٶلەمدەرٸنٸڭ مٶلشەرٸن ەسەپتەۋدٸ جٷزەگە اسىرۋدىڭ اتالعان ەدٸستەمەسٸ 2021 جىلدىڭ 1 سەۋٸرٸنەن باستاپ تۋىنداعان قاتىناستارعا قولدانىلادى.
بجزق-دان زەينەتاقى تٶلەمدەرٸن الۋ قۇقىعىن 2018 جىلعى 1 قاڭتارعا دەيٸن ٸسكە اسىرعان ادامدارعا زەينەتاقى تٶلەمٸنٸڭ جىل سايىنعى مٶلشەرٸ ەڭ تٶمەن زەينەتاقىنىڭ وتىز ەسەلەنگەن مٶلشەرٸنەن كەم بولمايدى (2021 جىلى 30 ح 43 272=1 298 160 تەڭگە). تٶلەمدەر بۇرىن تاڭدالعان كەستە بويىنشا جٷزەگە اسىرىلادى.
زەينەتاقى تٶلەمدەرٸنٸڭ مٶلشەرٸن ەسەپتەۋدٸ جٷزەگە اسىرۋدىڭ جاڭا ەدٸستەمەسٸنە سەيكەس, بجزق-دان زەينەتاقى تٶلەمدەرٸن الۋ قۇقىعىن 2018 جىلعى 1 قاڭتاردان باستاپ 2021 جىلعى 31 ناۋرىزعا (قوسا العاندا) دەيٸن ٸسكە اسىرعان ادامدارعا 2022 جىلعى 1 قاڭتاردان باستاپ اي سايىنعى زەينەتاقى تٶلەمدەرٸ 5% مٶلشەرٸندەگٸ زەينەتاقى تٶلەمدەرٸن يندەكستەۋ مٶلشەرلەمەسٸنە ۇلعايتىلاتىن بولادى, ول كەيٸننەن جىل سايىن يندەكستەلٸپ وتىرادى.
وسىلايشا زەينەتاقى تٶلەمدەرٸنٸڭ مٶلشەرٸن ەسەپتەۋدٸ جٷزەگە اسىرۋدىڭ جاڭا ەدٸستەمەسٸ الۋشىلاردىڭ ەڭبەك جاعدايلارى مەن دەنساۋلىعىنىڭ ەرەكشەلٸكتەرٸن ەسكەرەدٸ, سونداي-اق, بجزق-دان بەرٸلەتٸن جىل سايىنعى تٶلەمدەر مٶلشەرٸن ۇلعايتۋعا ىقپال ەتەتٸن بولادى.
ەستەرٸڭٸزگە سالا كەتەيٸك, بجزق-دان زەينەتاقى تٶلەمدەرٸ جەكە زەينەتاقى شوتىنداعى زەينەتاقى جيناقتارى تاۋسىلعانعا دەيٸن جٷزەگە اسىرىلادى.
