1 sáýirden bastap Qazaqstan Respýblikasynyń Úkimeti men Koreia Respýblikasynyń Úkimeti arasyndaǵy qazaqstandyq azamattarǵa qatysty vizalyq talaptardy ózara joiý týraly kelisimniń qoldanysyn jańǵyrtý qalpyna keltiriledi. Bul týraly Syrtqy ister ministrligi habarlady.
Buǵan deiin ony Ońtústik Koreia tarapy COVID-19 pandemiiasyna bailanysty toqtatty. Osylaisha, Qazaqstan azamattary – ulttyq pasporttardyń ieleri - Koreia Respýblikasyna 30 kúnnen aspaityn merzimge vizasyz qaita kire alady.
Koreia Respýblikasynda eńbek etýge, bilim alýǵa nemese Ońtústik Koreia aýmaǵynda turýǵa niet bolǵan jaǵdaida tiisti vizany alý qajet.
Sonymen qatar, qazirgi ýaqytta sheteldik azamattardyń Koreia Respýblikasyna kirýin avtorizatsiialaýdyń «K-ETA» elektrondyq júiesi jumys isteitinin eskerý qajet. Oǵan sáikes elge vizasyz rejim negizinde keletin sheteldikterge ushýǵa deiin keminde 24 saǵat buryn www.k-eta.go.kr saity arqyly josparlanǵan sapar týraly elektrondyq habarlama túrinde ótinish berý jáne sodan keiin Ońtústik Koreia biliginiń elge kirýge ruqsatyn alý talap etiledi. Mundai ruqsat bolmaǵan jaǵdaida áýekompaniia ushaqqa bortqa otyrǵyzýdan bas tartýǵa májbúr bolady.
Budan basqa, Koreia Respýblikasyna sapar shegetin azamattarǵa osy elde qoldanylatyn epidemiiaǵa qarsy sharalar týraly aqparatty Qazaqstan Respýblikasyndaǵy Koreia Respýblikasynyń konsýldyq mekemelerinde aldyn ala naqtylaýǵa keńes beremiz.
