1 سەۋٸردەن باستاپ قازاقستان رەسپۋبليكاسىنىڭ ٷكٸمەتٸ مەن كورەيا رەسپۋبليكاسىنىڭ ٷكٸمەتٸ اراسىنداعى قازاقستاندىق ازاماتتارعا قاتىستى ۆيزالىق تالاپتاردى ٶزارا جويۋ تۋرالى كەلٸسٸمنٸڭ قولدانىسىن جاڭعىرتۋ قالپىنا كەلتٸرٸلەدٸ. بۇل تۋرالى سىرتقى ٸستەر مينيسترلٸگٸ حابارلادى.
بۇعان دەيٸن ونى وڭتٷستٸك كورەيا تاراپى COVID-19 پاندەميياسىنا بايلانىستى توقتاتتى. وسىلايشا, قازاقستان ازاماتتارى – ۇلتتىق پاسپورتتاردىڭ يەلەرٸ - كورەيا رەسپۋبليكاسىنا 30 كٷننەن اسپايتىن مەرزٸمگە ۆيزاسىز قايتا كٸرە الادى.
كورەيا رەسپۋبليكاسىندا ەڭبەك ەتۋگە, بٸلٸم الۋعا نەمەسە وڭتٷستٸك كورەيا اۋماعىندا تۇرۋعا نيەت بولعان جاعدايدا تيٸستٸ ۆيزانى الۋ قاجەت.
سونىمەن قاتار, قازٸرگٸ ۋاقىتتا شەتەلدٸك ازاماتتاردىڭ كورەيا رەسپۋبليكاسىنا كٸرۋٸن اۆتوريزاتسييالاۋدىڭ «ك-ەتا» ەلەكتروندىق جٷيەسٸ جۇمىس ٸستەيتٸنٸن ەسكەرۋ قاجەت. وعان سەيكەس ەلگە ۆيزاسىز رەجيم نەگٸزٸندە كەلەتٸن شەتەلدٸكتەرگە ۇشۋعا دەيٸن كەمٸندە 24 ساعات بۇرىن www.k-eta.go.kr سايتى ارقىلى جوسپارلانعان ساپار تۋرالى ەلەكتروندىق حابارلاما تٷرٸندە ٶتٸنٸش بەرۋ جەنە سودان كەيٸن وڭتٷستٸك كورەيا بيلٸگٸنٸڭ ەلگە كٸرۋگە رۇقساتىن الۋ تالاپ ەتٸلەدٸ. مۇنداي رۇقسات بولماعان جاعدايدا ەۋەكومپانييا ۇشاققا بورتقا وتىرعىزۋدان باس تارتۋعا مەجبٷر بولادى.
بۇدان باسقا, كورەيا رەسپۋبليكاسىنا ساپار شەگەتٸن ازاماتتارعا وسى ەلدە قولدانىلاتىن ەپيدەميياعا قارسى شارالار تۋرالى اقپاراتتى قازاقستان رەسپۋبليكاسىنداعى كورەيا رەسپۋبليكاسىنىڭ كونسۋلدىق مەكەمەلەرٸندە الدىن الا ناقتىلاۋعا كەڭەس بەرەمٸز.
