Grýziianyń premer-ministri Iraklii Garibashvili ótken jyldyń kúzinde engizilgen qatań karantin shekteýleriniń birtindep alynatynyn aitty, dep habarlaidy "Ult aqparat" Grýziia jańalyqtaryna silteme jasap.
Úkimet basshysynyń aitýynsha, 15 naýryzdan bastap Grýziiada barlyq derlik shekteýler kúshin joiady. Tek keshki 9-dan tańǵy 5-ke deiingi komendanttyq saǵat pen maska rejimi ǵana sol kúiinde qalady.
25 aqpannan bastap qalaaralyq kólik jolǵa shyǵady.
Osy aptada mýnitsipaldyq kólik demalys kúni de keshki 21:00 deiin jumys istei bastaidy.
Sondai-aq 25 aqpannan bastap taýly kýrorttaǵy qonaqúiler ashylýy múmkin. Al ondaǵy arqan joldar tek 8 naýryzda ǵana iske qosylady.
1 naýryzda mektepke deiingi mekemeler ashylady. Jabyq ǵimarattaǵy meiramhanalar jumys kúnderi qyzmet kórsete bastaidy.
1 naýryzda kitaphanalar men mýzeiler ashylady.
Al 8 naýryzda saýda ortalyqtary men jármeńkeler jumysyn bastaidy.
15 naýryzdan bastap joǵary oqý oryndarynyń stýdentteri aýditoriiada sabaq ótedi. Osy kúni mektep úiirmeleri ashylady.
Sport zaldary, trenajer jáne fitnes ortalyqtary da 15 naýryzdan bastap qyzmet kórsetedi.
1 sáýirde teatr qoiylymdaryn jáne sport jarystaryn tamashalaýǵa ruqsat beriledi.
Sonymen qatar premer-ministr Iraklii Garibashvili 1 naýryzdan bastap Armeniia, Ázerbaijan, Resei, Ýkraina, Qazaqstan jáne Belarýs týristeriniń elge kirýine ruqsat beriletinin málimdedi.
