1 naýryzdan bastap 1-5 synyptardaǵy osyǵan deiin kezekshilik synypta oqytylyp kele jatqan oqýshylar aralas formatta oqýǵa kóshirildi.
Bul týraly Ortalyq kommýnikatsiialar qyzmetinde ótken Orta jáne joǵary bilim berýge qatysty mańyzdy suraqtar týraly brifingide aityldy, dep habarlaidy QazAqparat.
«Búgingi kúni oqý protsesin uiymdastyrýǵa bailanysty ózgerister engizildi. Elimizdegi Bas sanitarlyq dárigerdiń qaýlysyna sáikes, 1 naýryzdan bastap 1-5 synyptar arasyndaǵy osyǵan deiin kezekshilik synypta oqytylyp kele jatqan oqýshylar aralas formatta oqýǵa kóshirildi. Bul – jalpy bilim beretin mektepterde 1-5 synyptar jáne halyqaralyq mektepterde 1-7 synyptar», - deidi Bilim jáne ǵylym vitse-ministri Sholpan Karinova.
Onyń aitýynsha, qazirgi ýaqytta oqýshylardyń 47%-y shtattyq rejimde, 53%-y qashyqtan oqý formatynda bilim alyp jatyr.
«Óńirdegi sanitarlyq-epidemiologiialyq jaǵdailarǵa bailanysty shattyq nemese qashyqtan oqytatyn pánderdi ár bilim mekemesi ózdiginshe derbes anyqtaýǵa quqyly. Sonymen qatar, Bilim jáne ǵylym ministrligi negizgi pánderdi oqýshylardyń mektepke kelýimen shtattyq rejimde oqytyp, kórkem eńbek, mýzyka pánderin qashyqtyq formatta jalǵastyrýdy usynyp otyr. Osy boiynsha tiisti ádistemelik ustanymdar jasalyp, bilim mekemelerine jetkizildi. Ár bilim mekemesi osy oqý jylyna bekitilgen oqytý josparyna bailanysty óz josparlarymen oqytýdy bastady», - deidi ol.
