«BELKA. STRELKA», «SÚNDET TOI» kollektsiialyq monetalary 1 naýryzda satylymǵa shyǵarylady. Sonymen qatar, «MEDEÝ» kollektsiialyq monetasyn satý formaty ózgerdi. Bul týraly Ulttyq banktiń baspasóz qyzmeti málim etti, dep habarlaidy "Ult aqparat".
Qazaqstan Ulttyq banki «Kosmos» seriiasynan – «BELKA. STRELKA», «Qazaqstannyń salt-dástúrleri, ulttyq oiyndary» seriiasynan – «SÚNDET TOI» kollektsiialyq monetalarynyń satylymǵa shyǵatyn kúnin jariialady.
«BELKA. STRELKA» monetalary – 1 naýryzda, «SÚNDET TOI» – 9 naýryzda satylymǵa shyǵarylady. Olar áleýmettik qashyqtyqty jáne belgilengen epidemiologiialyq sharalardy saqtai otyryp, Ulttyq banktiń aýmaqtyq filialdary arqyly satylady», - delingen habarlamada.
Sonymen qatar Ulttyq bank «MEDEÝ» kollektsiialyq monetalaryn satý formaty ózgergenin málim etti. Olar internet-dúkende, sondai-aq Ulttyq banktiń aýmaqtyq filialdarynda saýdalanady.
