Almatyda qar tazalaýǵa 574 arnaiy tehnika men 1190 jumysshy jumyldyryldy, dep habarlaidy "Ult aqparat".
Almatyda 4 jeltoqsan kúni keshkisin jaýa bastaǵan qar áli de toqtaǵan joq. Osy aralyqta qalaǵa 4-6 sm, taýly aýdandarda 8-10 sm, taý bókterine 14-16 sm qar túsken.
Kóktaiǵaqtyń aldyn alý úshin qar jaýǵan kezden bastap joldarǵa, qiylystarǵa, jolaiyryqtarynan túser jerge arnaiy materialdar shashyldy.
Trotýarlardy, jaiaý júrginshiler aimaqtaryn, qoǵamdyq kólik aialdamalaryn, avtoturaqtardy qardan tazartý jalǵasýda.
Túngi qar shyǵarý jumystaryna 537 tehnika, onyń ishinde 200 qumlaqtyrǵysh jáne 576 jol jumysshysy jumyldyrylǵan bolatyn.
5 jeltoqsan kúni 574 arnaiy tehnika men 1190 jol jumysshysyn tartý josparlanǵan.
Qazgidromettiń boljamy boiynsha, búgin aýa temperatýrasy kúndiz -1, -3. Qar jaýady.
Aýdandyq ákimdikter men qala ákimdiginde qar shyǵarý jumystaryn táýlik boiy baqylaityn kezekshilik uiymdastyrylǵan.
