الماتىدا قار تازالاۋعا 574 ارنايى تەحنيكا مەن 1190 جۇمىسشى جۇمىلدىرىلدى, دەپ حابارلايدى "ۇلت اقپارات".
الماتىدا 4 جەلتوقسان كٷنٸ كەشكٸسٸن جاۋا باستاعان قار ەلٸ دە توقتاعان جوق. وسى ارالىقتا قالاعا 4-6 سم, تاۋلى اۋدانداردا 8-10 سم, تاۋ بٶكتەرٸنە 14-16 سم قار تٷسكەن.
كٶكتايعاقتىڭ الدىن الۋ ٷشٸن قار جاۋعان كەزدەن باستاپ جولدارعا, قيىلىستارعا, جولايىرىقتارىنان تٷسەر جەرگە ارنايى ماتەريالدار شاشىلدى.
تروتۋارلاردى, جاياۋ جٷرگٸنشٸلەر ايماقتارىن, قوعامدىق كٶلٸك ايالدامالارىن, اۆتوتۇراقتاردى قاردان تازارتۋ جالعاسۋدا.
تٷنگٸ قار شىعارۋ جۇمىستارىنا 537 تەحنيكا, ونىڭ ٸشٸندە 200 قۇملاقتىرعىش جەنە 576 جول جۇمىسشىسى جۇمىلدىرىلعان بولاتىن.
5 جەلتوقسان كٷنٸ 574 ارنايى تەحنيكا مەن 1190 جول جۇمىسشىسىن تارتۋ جوسپارلانعان.
قازگيدرومەتتٸڭ بولجامى بويىنشا, بٷگٸن اۋا تەمپەراتۋراسى كٷندٸز -1, -3. قار جاۋادى.
اۋداندىق ەكٸمدٸكتەر مەن قالا ەكٸمدٸگٸندە قار شىعارۋ جۇمىستارىن تەۋلٸك بويى باقىلايتىن كەزەكشٸلٸك ۇيىمداستىرىلعان.
