Jyl basynan elimizde 1 myń gektarǵa jýyq orman qalpyna kelmeitindei órtenip ketti. Búgin Ortalyq kommýnikatsiialar qyzmetinde ótken brifingte QR Ekologiia, geologiia jáne tabiǵi resýrstar vitse ministri Erlan Nysanbaev biylǵy qurǵaq jaz orman alqabyna qanshalyqty ziian keltirgenin aitty, dep habarlaidy QazAqparat.
«Eldegi orman qorynyń 18-20 paiyzy ǵana Ulttyq memlekettik tabiǵi parkterde shoǵyrlanǵan. Jalpy elimizde 65 myń gektardan astam alqapta órt boldy. Onyń ishinde 31 myń gektary ormandy alqaptaryn sharpyǵan. Órttiń ár túri bolady. Ormannyń astymen ótken jalynnan tabiǵatqa kóp ziian bolmaidy. Óitkeni janǵan shóp aǵash saiasynyń arqasynda qalpyna keledi. Al tutas aǵash boiymen júrgen órt – qaýipti. Olai órtengen orman qaityp qalpyna kelmeidi. Biyl aýa raiy óte qurǵaq. Orman órtine qarsy qyzmetter táýliktik rejimde jumys isteýde. Qurǵaq aýa raiy qyrkúiek aiynda da saqtalady. Tek qazan aiynda órt qaýpi seiilýi múmkin», - degen ministrlik ókili qurǵaq aýa raiy biyl búkil jer sharyn ábigerge salyp jatqanyn jetkizdi.
«Búginde Braziliiada qatty órt bolyp jatyr. ReseidińOńtústik Sibirindegi órt 3 mln gektarǵa jýyq ormandy sharpydy. Árine, jalpy orman qory 1 milliard gektardan astam Resei úshin ol asa bir úlken shyǵyn bolmaýy múmkin. Al biz úshin árbir gektar alqap – shyǵyn. Jyl basynan beri oryn alǵan órtterden kelgen shyǵyn kólemi 221 mln teńgeni qurady. Ázirge órt sebepteri zerttelip jatyr. Qasaqana órteý faktileri tirkelgen joq. Bizde órtterdiń sany kóp bolǵanymen, aýqymdary shaǵyn. Qazirge deiin 1 myń gektarǵa jýyq orman alqaby qalpyna kelmeitindei bolyp órtendi», - dedi Erlan Nysanbaev.
Eske salsaq, Eske salsaq, Erlan Nysanbaev brifing barysynda brakonerler bir jarym jylda 700-den astam kiikti qyryp salǵanyn aitqan bolatyn.
Brifing barysynda vitse-ministr qoryqshylarǵa oq ótkizbeitin keýdesheler berilýi múmkin ekenin málim etti.
