QR QM Qarjy monitoringi komitetiniń Almaty qalalyq ekonomikalyq tergeý departamenti qyzmetkerleri joǵary baǵamen meditsinalyq maska satýmen ainalysqan Almaty qalasynyń birneshe turǵynyn ustady, dep habarlaidy "Ult aqparat" komitettiń BAQ-pen jumys jónindegi basqarmasyna silteme jasap.
Shara barysynda qaladaǵy tórt núkteden kásipkerlik qyzmetpen ainalysatyn ruqsat qujaty joq qala turǵyndary ustaldy. Olar joǵary baǵamen meditsinalyq maska satyp kelgen.
Reid sharalary nátijesinde jalpy somasy 191 mln teńge turatyn 1 053 520 maska tárkilendi.
Qazaqstan Respýblikasy Prezidenti janyndaǵy tótenshe jaǵdai rejimin qamtamasyz etý jónindegi memlekettik komissiianyń hattamasyna sáikes, tárkilengen barlyq maska Almaty qalalyq qoǵamdyq densaýlyq saqtaý basqarmasyna berildi.
Qazirgi ýaqytta atalǵan fakti boiynsha QR QK 214-baby 1-bóligimen sotqa deiingi tergeý jumystary bastaldy.
Budan bólek, QR QM QMK Almaty qalalyq ekonomikalyq tergeý departamenti meditsinalyq maska men antiseptik quraldy satý boiynsha alaiaqtyq is-áreketterdiń jolyn kesý jónindegi reid sharalaryn júrgizetin tergeý-jedel tobyn qurdy.
