Foto: Polisia.kz
Astana politseileri turǵyndardy «utys oiynynan 1 million teńge utyp aldyńyz» dep aldap, aqshasyn jymqyrǵan alaiaqty quryqtady, – dep habarlaidy «Ult aqparat» Polisia.kz-ke silteme jasap.
Internet-alaiaqtyqtyń qurbany bolǵan elorda turǵyndary politsiiaǵa aryzben júgingen. Tergeý barysynda Almaty aýdandyq politsiia bóliminiń kriminaldyq politsiia qyzmetkerleri qylmysqa qatysy bar degen kúdikpen 24 jastaǵy qyzdy anyqtady.
Alaiaq Instagram áleýmettik jelisinde jalǵan akkaýntta jariialanǵan utys oiynyna qatysqan jábirlenýshilerge qońyraý shalyp, olardyń 1 mln teńge utyp alǵandyǵyn habarlaǵan. Biraq ony alý úshin komissiia retinde belgili bir somany tóleý kerek dep aldaǵan. Jábirlenýshiler 15 600 teńge men 18 400 teńge kóleminde aqshalai qarajat jibergen. Alaida is júzinde eshqandai utys oiyny bolmaǵan.
Qazirgi ýaqytta qyz internet-alaiaqtyqtyń 30 faktisi boiynsha kúdikke ilingen. Atalǵan faktige qatysty alaiaqtyq boiynsha tergeý amaldary júrgizilip jatyr. Ustalǵan azamat moiyndaý kórsetpelerin berdi. Onyń elorda aýmaǵynda jasalǵan osyǵan uqsas qylmystarǵa qatysy bar-joǵy anyqtalady.
Astana qalasynyń politsiia departamenti azamattarǵa saq bolýdy eskertedi. Alaiaqtardyń qurbany bolmaý úshin aqshany jiberer aldynda muqiiat tekserip, qyraǵylyq tanytý qajet.
