فوتو: Polisia.kz
استانا پوليتسەيلەرٸ تۇرعىنداردى «ۇتىس ويىنىنان 1 ميلليون تەڭگە ۇتىپ الدىڭىز» دەپ الداپ, اقشاسىن جىمقىرعان الاياقتى قۇرىقتادى, – دەپ حابارلايدى «ۇلت اقپارات» Polisia.kz-كە سٸلتەمە جاساپ.
ينتەرنەت-الاياقتىقتىڭ قۇربانى بولعان ەلوردا تۇرعىندارى پوليتسيياعا ارىزبەن جٷگٸنگەن. تەرگەۋ بارىسىندا الماتى اۋداندىق پوليتسييا بٶلٸمٸنٸڭ كريمينالدىق پوليتسييا قىزمەتكەرلەرٸ قىلمىسقا قاتىسى بار دەگەن كٷدٸكپەن 24 جاستاعى قىزدى انىقتادى.
الاياق Instagram ەلەۋمەتتٸك جەلٸسٸندە جالعان اككاۋنتتا جارييالانعان ۇتىس ويىنىنا قاتىسقان جەبٸرلەنۋشٸلەرگە قوڭىراۋ شالىپ, ولاردىڭ 1 ملن تەڭگە ۇتىپ العاندىعىن حابارلاعان. بٸراق ونى الۋ ٷشٸن كوميسسييا رەتٸندە بەلگٸلٸ بٸر سومانى تٶلەۋ كەرەك دەپ الداعان. جەبٸرلەنۋشٸلەر 15 600 تەڭگە مەن 18 400 تەڭگە كٶلەمٸندە اقشالاي قاراجات جٸبەرگەن. الايدا ٸس جٷزٸندە ەشقانداي ۇتىس ويىنى بولماعان.
قازٸرگٸ ۋاقىتتا قىز ينتەرنەت-الاياقتىقتىڭ 30 فاكتٸسٸ بويىنشا كٷدٸككە ٸلٸنگەن. اتالعان فاكتٸگە قاتىستى الاياقتىق بويىنشا تەرگەۋ امالدارى جٷرگٸزٸلٸپ جاتىر. ۇستالعان ازامات مويىنداۋ كٶرسەتپەلەرٸن بەردٸ. ونىڭ ەلوردا اۋماعىندا جاسالعان وسىعان ۇقساس قىلمىستارعا قاتىسى بار-جوعى انىقتالادى.
استانا قالاسىنىڭ پوليتسييا دەپارتامەنتٸ ازاماتتارعا ساق بولۋدى ەسكەرتەدٸ. الاياقتاردىڭ قۇربانى بولماۋ ٷشٸن اقشانى جٸبەرەر الدىندا مۇقييات تەكسەرٸپ, قىراعىلىق تانىتۋ قاجەت.
